اسلام آباد۔ 25ستمبر (اے پی پی) وزیراعظم عمران خان پارینے کہ اقوام متحدہ نا جنرل اسمبلی ٹی مقبوضہ جموں و کشمیر نا ویل ءِ ہرفنگ و دا متکن آ جھیڑہ نا ایسری نا گرج آ زور شاغنگ آ ترک صدر رجب طیب اردوان نا منت واراُٹ۔ چارشنبے نادے آ تینا اسہ ٹویٹ اسے ٹی اوپارے کہ مقبوضہ کشمیر نا محاصرہ نا حوالہ ءِ ترسا ترک صدر پارے کہ اقوام متحدہ نا قراردادآتیان پد ہم 80 لکھ خلقت مقبوضہ کشمیر اٹی قلابند ءُ۔ اوپارے کہ او صدر رجب طیب اردوان نا دا بیان ءِ کہ سویلی ایشیا نا سوگوی وشونہالی ءِ کشمیر نا ویل آن جتا کننگ مفک، بے کچ قدرانا نظر اٹ ہرنہ۔
