نیویارک۔ 25ستمبر (اے پی پی) وزیر خارجہ مخدوم شاہ محمود قریشی اقوام متحدہ جنرل اسمبلی نا 74می دیوان نا وخت آ متحدہ عرب امارات نا وزیر خارجہ شیخ عبداللہ بن زائد النہیان تون اوڑدہی کرے۔ اوڑدہی ٹی مقبوضہ جموں و کشمیر و ڈیہہ ٹی امن و ایمنی نا حالیت آتون اوار اہم علاقائی معاملہ غاتیا گپ وتران کننگا۔ داوخت آ شاہ محمود قریشی پارے کہ پاکستانی الس نا است اٹی یو اے ای و خاص کر شیخ زید بن سلطان النہیان کن خصوصی مہر و مریبت و شرف ءِ۔ ہندوستان نا کنڈآن مقبوضہ جموں و کشمیر اٹی کروک آ اسہ کنڈی گام گیج نئے بیرہ اقوام متحدہ نا قرارداد آتیان چپ ءِ بلکن جہانی کانود نا ہم خلاف ورزی ٹی بریک۔ اوپارے کہ آسام اٹی ہندوستان بیست لکھ بنگالی مسلمان تا رجسٹریشن ءِ اناگت چٹفسا اوفتے تینا ہی ملک اٹی درپہ در کرینے۔ بھارت تدوک آ پنجا دے آن مقبوضہ جموں و کشمیر اٹی بدترین کرفیو خلکونے۔ اوپارے کہ درو ہیوسٹن اٹی ہزار آ بندغ آک مقبوضہ کشمیر اٹی جاری بھارتی بیدادی نا برخلاف مچی کریر ہرافتے ٹی ہندوکانگریس نا باسک آک ہم برانز اٹی اوار ئسر۔ مقبوضہ جموں و کشمیر اٹی جاری بھارتی بیدادی نا برخلاف مچ آ دنیا غان توار بننگ ءِ حتیٰ کہ کانگریس نا باسک آک ساف بھارتی بربریت نا برخلاف توار بڑز کننگ ءُ۔

متعلقہ مضامینمصنف کی طرف سے مزید