اسلام آباد۔ 25ستمبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ آزاد کشمیر اٹی زمی جمب آن زہمی علاقہ ٹی امدادی سرجزآتے ٹی جان جوڑی نا ٹیمک پبی بشخ ہلنگ ءُ۔ چارشنبے نادے آ جاری اسہ بیان اسے نا رداٹ اوپارے کہ ڈبلیو ایچ او و بنجائی وزارت جان جوڑی نا ٹیمک میر پور آ سرمسنو و امدادی سرجزآتے ٹی بشخ ہلنگ ءُ۔ اوپارے کہ جان جوڑی نا ٹیمک زہمی علاقہ غاتے ٹی تینا حکمت عملی نا رداٹ خذمت پیش کیرہ۔ وزارت دا حالیت آتا رداٹ پورو کمک کیک۔ اوپارے کہ زہمی علاقہ ٹی شاری تے جان جوڑی نا ہروڑ آسراتی تننگ انگ ءِ۔ مشکل نا دا ساہت اٹی نن کشمیری ایلم تتون سلوک اُن۔ اوپارے کہ ڈبلیو ایچ او و وزارت نا ٹیمک نسخان تا کساس
