اسلام آباد۔ 25ستمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور آزاد کشمیر اٹی زمی جمب آن جانی و مالی نسخان آ ڈکھ انا درشانی ءِ کرسا پارینے کہ مشکل نا دا ساہت اٹی پاکستان نا حکومت و الس کشمیری ایلم تتون تفوک ءُ، وزیراعظم جہانی راہشون و ادارہ غاتا سروک آتون اوڑدہی تیٹی کشمیر نا ویل ءِ پبی وڑاٹ تالان کننگ ءِ۔ داخیال آتا درشانی ءِ او نیویارک اٹی تحریک انصاف آزاد کشمیر نا صدر بیرسٹر سلطان محمود تون اوڑدہی ٹی کرے۔ داوخت آ بنجائی وزیر میر پور و جاتلاں آزاد کشمیر اٹی زمی جمب آن جانی و مالی نسخان آ ڈکھ انا درشانی ءِ کرے۔ اوڑدہی ٹی بیرسٹر سلطان محمود زمی جمب آن پد انا حالیت آتا بابت بنجائی وزیر ءِ معلومدار کرساپارے کہ تحریک انصاف نا کارندہ غاک امدادی کارروائی تیٹی پبی بشخ ہلنگ ءُ۔ اوپارے کہ مشکل نا دا ساہت اٹی پاکستان نا حکومت و الس کشمیری ایلم تتون تفوک ءُ۔ علی امین گنڈاپور پارے کہ عمران خان جہانی راہشون و ادارہ غاتا سروک آتون اوڑدہی تیٹی کشمیر نا ویل ءِ پبی وڑاٹ تالان کننگ ءِ۔ کشمیری تے اوفتا حق خودارادیت ترفنگ اسکان آرا م اٹ تولپنہ۔ اوپارے کہ 27 ستمبر آ کشمیری و پاکستانی تا بھلو کچ اس نیویارک اٹی کشمیری تتون یکجہتی نا درشانی ءِ کیرہ۔
