اسلام آباد۔ 25ستمبر (اے پی پی) پاکستان اٹی جاپان نا سفیر کونینوری مٹسوڈا زمی جمب آن مروک آ جانی و مالی نسخان آ است ہسونی نا درشانی ءِ کرسا تینا حکومت نا کنڈآن زمی جمب نا زہمی تیکن امداد نا سلہ خلکونے۔ چارشنبے نادے آ جاپان نا سفیر نیشنل ڈیزاسٹر مینجمنٹ (این ڈی ایم اے) نا چیئرمین لیفٹیننٹ جنرل (ر) محمد افضل تون ٹیل فون آ رابطہ کرے و تدوک آ دے بروک آ زمی جمب اٹی مروک آ جانی و مالی نسخان آ است ہسونی نا درشانی ءِ کرے۔ اوزمی جمب نا زہمی تا امداد نا ہم سلہ خلک۔ چیئرمین این ڈی ایم اے جاپان نا سفیر نا منت واری ءِ ہرفے۔ چیئرمین این ڈی ایم اے پارے کہ فی الحال نسخان نا جاچءِ ہلنگ انگ ءِ اگہ پیشن نا امداد نا ضرورت پیش بس تو اوفتے معلومدار کننگک۔
