نیویارک ۔ 24 ستمبر (اے پی پی) مزن وزیر عمران خان ءَ مقبوضہ کشمیر ءَ کشت ءُُ ھون ءِ ترس ءِ درشان کنان ءَ دگنیا ءَ را مکن کت کہ پڑ ءَ نہ وشیں جاور ھال آں چہ پیسر سرج میں دگنیا ءَ را ھال دیگ لوٹاں کہ مقبوضہ کشمیر ءَ کرفیو ءَ ھلاس کنگ ءَ پد ڈکال ءِ اوست است انت، ایشی ءِ زمہ واری میاں اوستمانی برات آنی بیت، اے وھد انت کہ سلامتی کونسل کشمیر ءِ رد ءَ کرد ءَ پیلو بکنت، اقوام ءِ متحدہ ءِ 11منوگری آنی سر ءَ دل یکیمی کنگ بہ بیت، اچ سساکاریں مردم ایٹمی وتاس آنی جنگ ءِ بابت ءَ سسا نہ کنت، دوئیں نیمگ ءَ اچ وڑیں اندازگ پڑ ءِ تباھی ءِ نیمگ ءَ بُرت کناں ، ابکہ آں کہ 80لکھ بنی آدم آناں بندیگ کنگ ءَ دگنیا چتور ھاموش بیت ۔ منی مُدام بن گپ بوتگ کہ جنگ اوگان جیڈھ ءِ گیواری نہ انت، اوگان حکومت طالبان ءِ گوما گپ بکنت گڈا گیواری بوت کنت، ترک صدر ءِ نیمگ جنرل اسمبلی ءَ کشمیر ءِ جیڈھ ءَ را چست کنگ ءِ پد ءَ آئی ءِ شگر ءُُ منت وار آں ۔ اے ھیالانی درشانی آئی ءَ اقوام متحدہ ءِ جنرل اسمبلی ءَ 74دیوان ءِ موہ ءَ قوام ءِ متحدہ ءِ ہیڈ کوارٹرز ءَ پریس کانفرنس ءَ گشتانک دیان ءَ کت ۔ اے موہ ءِ سر ءَ وزیر ءِ درئی کار شاہ محمود قریشی ءُُ اقوام ءِ متحدہ ءَ پاکستان ءِ گشتانکار ملیحہ لودھی ھم ساڑی ات ۔ مزن وزیر عمران خان ءَ گوشت کہ دگنیا ءَ را سما بوتگ کہ کشمیر ءِ جاول ھال انوگ ءَ تاں ھراب اَنت، مقبوضہ کشمیر ءِ مردم آنی گس پنجاھ روچ ءَ چہ بندی جاھ جوڑ بوتگ اَنت، پنجاھ روچ ءَ چہ کشمیر ءَ سرج میں بلیک آءوٹ انت، مقبوضہ وادی ءَ اچ جوانیں ھال نہ اتکگ ، کشمیری سروک آناں جدا جدا بندی جاھ ءَ کیز کنگ بوتگ، مقبوضہ کشمیر ءَ ہسپتال کار کنگ ءَ نہ انت، مقبوضہ کشمیر ءَ 80لکھ مردم کیز انت ۔ آئی ءَ گوشت کہ اقوام متحدہ ءِ 11منوگری ءَ مقبوضہ کشمیر ءِ جیڈھ ءَ من اتگ ۔ کشمیر ءِ مردم 70سال ءَ چہ وت واجئی ءِ ھک ءِ واستہ جہد ءُُ کوشست ءَ کنگ ءَ انت ۔ آئی ءَ گوشت کہ بھارت گیر کانود گامگیج ءَ چہ مقبوضہ کشمیر ءِ آباتی ءِ بستار ءَ مٹ کنگ لوٹ ایت، مقبوضہ کشمیر ءَ کرفیو ءِ ھلاس کنگ ءَ چہ پد رند پد گیش ھراب بنت ۔ آئی ءَ گوشت کہ پنچ اگست ءَ چہ پیسر پاکستان ءَ کشمیر ءِ جیڈھ ءِ سر ءَ گپ کنگ ءِ ھمک رنگ ءِ کوشست کتگ، کرفیو ءِ ھلاس کنگ ءُُ آرٹیکل 370ءِ واپس زورگ ءَ تاں سول ءُُ تران ممکن نہ انت، اے وھد ءَ سلامتی کونسل کشمیر ءِ رد ءَ کرد ءَ پیلو بکنت ۔ اقوام متحدہ ءِ 11منوگری آنی سر ءَ کار دل یکیمی جوڑ کنگ بہ بیت، سیکورٹی کونسل کشمیر ءِ جیڈھ ءِ جاور ھال آنی گہتری ءِ واستہ گامگیج بکنت ۔ آئی ءَ گوشت کہ اچ وڑیں سساکاریں دور چاریں مردم ایٹمی جنگ ءِ ھوالگ ءَ سسا نہ کنت، دوئیں نیمگ ءَ اچ رنگیں ردیں اندازگ پڑ ءَ را تباھی ءِ نیمگ ءَ برت کناں ۔ مزن وزیر عمران خان ءَ امریکی صدر ءَ گوں وتی گند ءُُ نند آنی تران کنان ءَ گوشت کہ صڈر ءِ ٹرمپ ءَ گند ءُُ نند ءَ چہ پیسر سعودی عرب ءِ تر ءُُ تاب کتگ ، صدر ءِ ٹرمپ ءَ نیامی روبرکت ءَ کشاں چیل ءَ را کم کنگ ءِ واستہ وتی کرد ءَ پیلوکنگ ءِ گوشتگ، صدر ءِ ٹرمپ ءَ گوں گند ءُُ نند ءَ چہ پد ایرانی صدر ءَ گند ءُُ نند کتگ، کشاں چیل آں چہ اچ رنگیں جیڈھ گیوار بوت نہ کنت ۔ جنگ اوگانستان ءِ جیڈھ ءِ بوت نہ کنت، اوگان ایمنی سول ءُُ تران ءِ دووارگ ءِ بنگیج ءِ واھشت ایگ آں ، طالبان آنی سر ءَ زور پر داتگ کہ آ اوگانستان حکومت ءَ گوں سول ءُُ تران بکن انت ۔ مزن وزیر ءَ گوشت کہ بھارتی گیر کانودی گامگیج ءَ چہ کشمیر ءِ سرج میں آباتی بھارتی ءَ گوں بدل بوتگ اَنت، ا و آئی سی دیوان ءَ کشمیر ءِ جیڈھ جوانیں رنگ ءَ چست کتگ، کشمیر ءِ سر ءَ ھمے ھاترا ظلم بوھگ ءَ انت کہ آ مسلمان انت ۔ مزن وزیر عمران خان ءَ وتی بیان ءِ ھوالگ ءَ گیش تران کت کہ 80 ءِ دھیک ءَ روس ءِ ھلاپ ءَ جنگ ءُُ جہاد ءِ نام دیگ بوتگ، روس ءِ ھلاپ ءَ جنگول مجاہدین آں 9;47;11ءَ چہ ناشرکاری ءِ نام دیگ بوھگ ءَ انت، 89ءَ اوگانستان ءَ ابید مھک میں سیاسی گیوار ایوک ءَ یل کنگ بوت، اوگان جہاد ءِ نتیجگ ءَ مرچی پاکستان سگگ ءَ انت ۔ آئی ءَ گوشت کہ امریکی صدر ٹرمپ ءَ را مقبوضہ کشمیر ءِ جاور ھال آں چہ سرپد کتگ، جوانی ءِ امیت دارگی انت، ھرابیں جاور آنی واستہ ھم تیار بوھگی انت، پڑ ءَ کجام ھم نہ وشیں جاور ھال آں چہ پسیر دگنیا ءَ را سرپد کنگ لوٹاں ، مقبوضہ کمشیر ءَ توا میں بنیاتی ھک لگت مال کنگ بوھگ ءَ انت ۔ مزن وزیر عمران کان ءَ گوشت کہ بھارت ءِ سر ءَ ارش کنگ آپریشن نہ انت ۔ آئی ءَ گوشت کہ بوسنیا ءِ جاور ھال آنی سر ءَ میڈیا ءِ کرد ءِ سبب ءَ میاں اوستمانی برات آنی سر ءَ زور گیش بوت، امیت انت کہ میاں اوستمانی میڈیا کشمیر ءِ جاور ھال آناں ھم سہرا کن انت ایشی ءِ سبب ءَ مزنیں ملک اے جیڈھ آنی گیواری ءَ وتی کرد ءَ پیلو کنگ ءَ مجبور باں ۔ آئی ءَ گوشت کہ بھارتی مزن وزیر ء َ ردیں گامگیج آنی سبب ءَ وت ءَ را کوراسیں دمکے ءَ رسینتگ، نریندر مودی کشمیری آنی وت واجئی جہد ءُُ کوشست ءَ اچ رنگ ءَ داشت نہ کنت ۔
