مقبوضہ جموں ءُُ کشمیر ءِ استیں جاور ھال ءُُ بنی آدم آنی ھک آنی لگت مالی ءِ بابت ءَ سرپد کت
اسلام آباد ۔ 24 ستمبر (اے پی پی) مزن وزیر عمران خان ءَ مصر ءِ صدر عبدالفتاح السیسی ءَ گوں گند ءُُ نند کتگ ۔ اے گند ءُُ نند اقوام ءِ متحدہ ءِ جنرل اسمبلی ءِ 74ھپتاد ءُُ چارمی دیوان ءِ موہ ءَ بوت ۔ مزن وزیر عمران خان ءَ مقبوضہ جموں ءُُ کشمیر ءِ استیں جاو ھال ءُُ بنی آدمی ھک آنی لگت مالی ءِ بابت ءَ صدر السیسی ءَ را سرپد کت ۔ مصری صدر ءَ گوشت کہ ما سیکورٹی ءِ جیڈھ آں گوں گر ءُُ چیل بوھگ ءِ واستہ پاکستان ءِ تجروبت آں چہ سیت زورگ ءِ واھشت ایگ آں ۔ دوئیں سروک آں گیش سیتی شوبگ آنی تہ ءَ دو نیمگ کمک آنی دیمروئی ءِ سر ءَ ھم تپاک کتگ ۔
