نیویارک ۔ 24 ستمبر (اے پی پی) مزن وزیر عمران خان ءَ گوشت کہ موسمی مٹ ءُُ بدلی ءَ چہ اچ ملک ایوک ءَ گر ءُُ چیل بوت نہ کنت، سرج میں دگنیا ایشی ءِ واستہ یکجائی ءَ کار کنگ لوٹ ایت، اے وڑ بوت گڈا کدرتی آپت آں چہ بے گسیں مردم آنی تہ ءَ گیشی بیت، اپیل کناں کہ مزنیں ٹوھیں ملک موسمی مٹ ءُُ بدلی ءِ جیڈھ ءَ را پکوئی ءَ بزور اَنت، اگاں بنی آدم کجاھم ھم چیلنج آں گوں دیم پہ دیم بوھگ ءِ منصوبگ بکنت گڈا ایشرا کامیاتی بیت ۔ اے ھیالانی درشانی آئی ءَ دو شمبے ءَ اقوام متحدہ ءِ جنرل اسمبلی ءِ 74دیوان ءِ موہ ءَ موسمی مٹ ءُُ بدلی ءِ ھوالگ ءَ سروک دیوان ءَ گشتانک دیان ءَ کت ۔ آئی ءَ گوشت کہ 6سال ءَ چہ پیسر مالوم بوتگ کہ پاکستان موسمی مٹ ءُُ بدلی آں چہ آماچیں ملک آنی لڑ ءَ ھوار انت، ہمالیہ ءَ استیں گلیشیئرز گوں ترندی ءَ آپ بوھگ ءَ انت، جاور سنگین بوھگ ءَ انت ، بلین ٹری سونامی منصوبگ بنگیج کتگ، آیوکیں 5سال آنی تہ ءَ 5ارب درچل کشگ ءِ سیم سر گیشینتگ ۔ آئی ءَ گوشت کہ اپیل انت کہ ٹوھیں ملک موسمی مٹ ءُُ بدلی ءِ جیڈھ آں پکوئیں ءَ بزور انت چیال کہ ایشی ءَ چہ سیر لاپیں ملک آماچ بوھگ ءَ انت ۔ آئی ءَ گوشت کہ اگاں بنی آدیم کجام ھم چیلنج ءَ گر ءُُ دار کنگ ءِ مھک میں واھشت بدار ایت گڈا آ الم کامیات بیت ۔
