اسلام آباد ۔ 24 ستمبر (اے پی پی) بنجاھی وزیر کشمیر ءُُ گلگت بلتستان علی امین گنڈا پور ءَ یک رنگ رند ءِ پد ءَ اے جزم ءِ درشان کت کہ کشمیر ءِ وت واجئی ءِ ھک ءَ دیگ ءِ واستہ گڈی سیم سر آں تاں رواں ، پاکستان ءُُ بھارت ایٹمی ملک اَنت، جیڈھ ءِ گیواری ءِ واستہ دگنیا ءَ را کرد ءِ پیلو کنگ لوٹ ایت، 27ستمبر ءَ کشمیری ءُُ پاکستانی آنی مزنیں کساس ءِ نیویارک ءَ کشمیری آں گوں یکوئی ءِ درشان ءَ کنت، میر پور آزات کشمیر ءِ زلزلہ ءِ نتیجگ ءَ جانی ءُُ مالی تاوان ءِ پد ءَ گرانیں ڈک بوتگ ۔ آئی ءَ گوشت کہ کشمیر ءِ انتظامی ءَ گوں رابطہ ءِ تہ ءَ آں ، کمکی کاروائی جاڑی انت ۔ اے ھیالانی درشانی آئی ءَ نیویارک ءَ ھال رسانکی در آں گوں تران کنان ءَ کت ۔ آئی ءَ گوشت کہ میاں اوستمانی سروک ءُُ ادارگ آنی سروک گند ءُُ نند کنگ ءَ انت، کشمیر ءِ جیڈھ ءِ سر ءَ سرج میں دگنیا پاکستان ءِ بن گپ ءِ سپورٹ ءَ کنگ ءَ انت ۔
