اسلام آباد ۔ 24 ستمبر (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) ءِ چیئرمین لیفٹیننٹ جنرل محمد افضل ءَ گوشت کہ زلزلہ ءَ چہ 10مردم آناں جانی تاوان رستگ، منگلا ڈیم ءَ چہ آماچ نہ بوتگ اَنت، این ڈی ایم اے ءُُ اُرد آنی ٹیمب آماچ بوتگیں دمگ آں پجگ اتگ اَنت، 200دمبو، 800کمبل، وردن ءُُ وراکی چیز ءُُ دوا ءُُ درمان آماچ بوتگیں دمگ آں سر کنگ بندات کتگ، اے اینکیاسیں ٹوھیں توپان ءِ نہ ات کہ لس مردم آں چہ کمک ءِ اپیل کنگ بہ بیت ۔ ادارگ آنی کرا آسراتی است انت ۔ آ سئے شمبے ءِ روچ ءَ زلزلہ ءَ چہ بوھویکیں تاوان ءُُ ریسکیو ریلیف ءِ کار ءِ بابت ءَ میڈیا ءِ بریفنگ دیگ ءَ ات ۔ آئی ءَ گوشت کہ سئے شمبے ءَ نیم روچ ءِ چار بج ءِ نزیک ءَ 5;46;8کساس ءِ زلزلہ ءِ اتک ایشی ءِ جھٹکہ بُرزی دمگ آں سما کنگ بوت اَنت، زلزلہ ءَ چہ درساں چہ گیش میری پور شہر ءُُ جاتلاں ءِ دمگ آماچ بوت اَنت وھدیکہ جہلم ھم آماچ بوت ۔ آئی ءَ گوشت کہ بھمبر ءِ دور ءُُ گستائیں کوچگانی تہ ءَ تاوان رسگ ءِ ھم ھال رستگ، انوگ ءَ تاں زلزلہ ءَ چہ ھواریں رنگ ءَ بیران بوھوکیں مردم آنی کساس 10 ءُُ ٹپیگ بوھگ ءِ کساس 100 ءِ نزیک ءَ ھم ٹپیگ بوتگ اَنت ۔ آئی ءَ گوشت کہ زلزلہ ءَ چہ منگلا تا جاتلاں دگ ءِ سئے مزنیں پل آناں ھم تاوان رستگ ھمے رنگ ءَ ماڑی آناں ھم تاوان رستگ ایشانی گیشیں ھال انگت سر نہ بوتگ اَنت ۔ آئی ءَ گوشت ککہ سئے چار روچ ءَ ریسکیو ءُُ ریلیف ءِ کار سرجم کنگ بنت ءُُ یک دو ھپتگ آنی تہ ءَ برجائی ءِ کار بنگیج کنگ بنت، اے بابت ءَ توا میں ادارگ آنی نیام ءَ سرج میں وت مہ وتی ءِ گوما کار کنگ بیت انت ۔ آئی ءَ گوشت کہ نیشنل ڈیزاسٹر مینجمنٹ اتھارٹی ءِ ایرا ءِ ھوار کنگ ءِ کار جاڑی انت، دسمبر ءَ تاں این ڈی ایم اے ءِ بھر جوڑ بنت وھدیکہ 2020ءَ تاں ایران ءِ کانود، انتظامی ءُُ آپریشنل توا میں کار این ڈی ایم اے وت زمہ واری آں پیلو کنت ۔
