مزن وزیر عمران خان ءِ میرپور ءَ ھوار ملک ءِ جتا جتائیں دمگ آنی تہ ءَ زلزلہ ءَ چہ بوھوکیں تاوان ءِ ھوالگ ءَ دلپدردی ءِ درشان

توا میں ادارگ آناں ریسکیو آپریشن آنی تہءَ گیشاں چہ گیش بھر زورگ ءِ پنت ءُُ شون

زلزلہ ءَ چہ آماچیں دمگ آنی تہ ءَ تاوان آنی سر ءَ چار ءُُ تپاسی گرگ ءَ چہ پد کمک ءِ جار جنگ بیت، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان

اسلام آباد ۔ 24 ستمبر (اے پی پی) مزن وزیر عمران خان ءَ میر پور ءَ ھوار ملک ءِ جتا جتائیں بھر آنی تہ ءَ زلزلہ ءَ چہ بوھوکیں جانی تاوان ءِ ھوالگ ءَ گرانیں ڈکھ ءُُ اندوھ ءِ درشان کت ءُُ توا میں ادارگ آناں ریسکیو ءِ تہ ءَ گیشاں چہ گیش بھر زوری پنت ءُُ شون دات ۔ سئے شمبے ءَ مزن وزیر ءِ ھاسیں کمکار ڈاکٹر فردوس عاشق اعوان ءَ میڈیا ءَ گوں تران کنان ءَ گوشت کہ مزن وزیر عمران خان ءَ اپسوزی واکیہ ءَ تاوان بار ءِ پد ءَ دلپدردی ءِ درشان کتگ ءُُ دعا ءُُ نیک کتگ کہ کپ مشکلیں ساھت ءَ یکوئی ءُُ یک مشت بوھگ ءِ توفیق ءَ ھُدا وند بدیات ۔ آئی ءَ گوشت کہ زلزلہ ءَ چہ آماچیں ھال آنی چار ءُُ تپاسی گرگ ءَ چہ پد کمک ءِ جار جنگ بیت ۔