صدر مملکت ڈاکٹر عارف علوی نا پاکستان نیشنل کونسل آف آرٹس اٹی قومی خطاطی نمائش نا دود آن تران

اسلام آباد۔ 24ستمبر (اے پی پی) صدر مملکت ڈاکٹر عارف علوی پارینے کہ فنون لطیفہ انسان نا تخلیقی لائخی ءِ شون تسنے و داڑان راج اٹی سوگو شونداری نا کسر آوار مریک، دنیاٹی فن انا اعتبار اٹ خلقت ءِ آزاد تخوک آ قومک شونداری کریر۔ ساڑی حکومت ہم ملک اٹی فنون لطیفہ ءِ مون آ دننگ کن کوشست کننگ ءِ۔ داخیال آتا درشانی ءِ او پاکستان نیشنل کونسل آف آرٹس نا دورہ نا وخت آ قومی خطاطی نمائش نا دود آن تران کرسا کرے۔ صدر مملکت پارے کہ مسلمان تہذیب خطاطی ٹی است خواہی تخاکہ، اونا اسہ سوب اس داہم ئس کہ مسلمان بت تراشی و عکس کشی آن اجتناب کریرہ و اوفک آرکیٹیکچر، میومیٹرک آرٹ و خطاطی ٹی چاہنداری دوئی کریر۔ اوپارے کہ فن انا اعتبار اٹ خلقت ءِ آجو تخوک آقومک شونداری کرینو، فنون لطیفہ تخلیقی آجوئی نا فن فراوان کیک۔ اوخطاطی ٹی قومی ٹیلنٹ ناستاءِ کرے۔ صدر مملکت پارے کہ فنون لطیفہ ہر قوم انا راجی عکاسی ءِ کیک۔حکومت فنون لطیفہ نا مون آ دننگ کن کوشست کننگ ءِ۔ اوپارے کہ فنکار آتے آسراتی فراوان کننگ ننا قومی ءُ فرض اسے۔ داوخت آ صدر مملکت نمائش نا دورہ ءِ کرے و خطاط آتا تخلیقی فن پارہ غاتا ستاءِ کرے۔