نیویارک۔ 24ستمبر (اے پی پی) وزیراعظم عمران خان اٹلی نا وزیراعظم جوسپی کاؤنٹے تون سے شنبے نادے آ داڑے اقوام متحدہ نا جنرل اسمبلی نا 74می دیوان نا اڈتننگ نا وخت آ اوڑدہی کرے ہراٹی ہڑتوم آ راہشونک ہڑتوم آکنڈآتا علاقائی و تین پہ تینی است خواہی نا معاملہ غاتیا گپ و تران کریر۔ وزیراعظم عمران خان اٹلی نا وزیراعظم ءِ مقبوضہ جموں و کشمیر اٹی حالیت آتا کانودی، انسانی …
وزیراعظم عمران خان نا اٹلی نا وزیراعظم جوسپی کاؤنٹے تون اوڑدہی
گیشتریں ھال
نیویارک۔ 24ستمبر (اے پی پی) وزیراعظم عمران خان اٹلی نا وزیراعظم جوسپی کاؤنٹے تون سے شنبے نادے آ داڑے اقوام متحدہ نا جنرل اسمبلی نا 74می دیوان نا اڈتننگ نا وخت آ اوڑدہی کرے ہراٹی ہڑتوم آ راہشونک ہڑتوم آکنڈآتا علاقائی و تین پہ تینی است خواہی نا معاملہ غاتیا گپ و تران کریر۔ وزیراعظم عمران خان اٹلی نا وزیراعظم ءِ مقبوضہ جموں و کشمیر اٹی حالیت آتا کانودی، انسانی و امن و سلامتی تون اوارچندی پلو آتا بارواٹ معلومدار کرے۔ اومقبوضہ جموں و کشمیر اٹی کرفیو تون اوار غٹ پابندی تے دمدستی وڑاٹ ہرفنگ، غٹ بندی تے یلہ کننگ، پیلٹ گن آتا کاریم اٹ اتنگ ءِ توننگ و کشمیری الس نا انسانی حق انا شرف ءِ کننگ نا گرج آ زور شاغا۔ اوجہانی برادری آہم زور شاغا کہ او علاقائی امن و سوگوی ءِ المی کننگ کن کشمیر نا ویل آ چکار کے و جموں وکشمیر نا تنازعہ نا پرامن ایسری کن تیناکڑد ءِ اداکے۔ اوڑدہی ٹی ہڑتوم آ کنڈآک سیاسی، واپاری و اقتصادی، دفاعی پیدوار، دودوربیدہ و تعلیمی بشخ آتے ٹی تین پہ تینی کمکاری ءِ ودفنگ آ امنا کریر۔
