کشمیر نا آجوئی نا جہد ءِ دہشت گردی تون گنڈنگ بھارت نا بے سہبی، بھارتی فوجی کمانڈر آتا بیانک اوفتا فریشانی تا شاہدی اسےسلہہ بند فوج انا ترجمان میجر جنرل آصف غفور نا ٹویٹ

راولپنڈی۔ 24ستمبر (اے پی پی) پاکستان نا سلہہ بند فوج انا ترجمان میجر جنرل آصف غفور بھارتی فوجی کمانڈرآتا ٹیر تکائی تا سخت ورندی ءِ ترسا پارینے کہ بھارتی فوجی کمانڈرآتا کنڈآن بیان آک اوفتا فریشانی نا پیدوار ءُ شاہدی اسے ءُ، مقبوضہ دامان اٹی تینا بے سہبی تیا پڑدہ شاغنگ کن بھارت چپی ءُ بیان تننگ ءِ، آجوئی کشمیر نا جہد ءِ دہشت گردی نا کنڈا گنڈنگ بھارت نا بے سہبی تا شاہدی اسے۔ سے شنبے نادے آ سلہہ بند فوج انا ترجمان میجر جنرل آصف غفور تینا ٹویٹ اٹی پارے کہ بھارتی فوجی کمانڈرآتا کنڈآن آزاد جموں و کشمیر آ بیان غیر زموارانہ ءِ۔ اوپارے کہ بھارت جموں و کشمیر اٹی حالیت آتے کنٹرول کننگ اٹ بھاز بے وڑ بے سہب مسنے، بھارت دنیا نا چکار ءِ کشمیر نا جہد آجوئی آن اسہ کنڈ کننگ خواہک، بھارتی ریاستی دہشت گردی آن دنیا نا چکار ءِ اسہ کنڈ کننگ کن بھارت چم بازی تے کاریم اٹ اتنگ ءِ۔