چین پاکستان نا متکن آ و پت دار سنگت ءِ، چینی کمیونسٹ پارٹی و پاکستان تحریک انصاف نا نیام اٹ شریداری شون ہلنگ ءِ، عامر محمود کیانی

اسلام آباد۔ 24ستمبر (اے پی پی) پاکستان تحریک انصاف نا مرکزی سیکرٹری جنرل عامر محمود کیانی پارینے کہ چین پاکستان نا متکن آ و پت دار سنگت ءِ، چینی کمیونسٹ پارٹی و پاکستان تحریک انصاف نا نیام اٹ شریداری نا عمل شون ہلنگ ءِ، چینی کمیونسٹ پارٹی پوسکن آ جمہوری جماعت نا وڑک اسے، تحریک انصاف نا ڈل چین اٹی اڈ کننگ نا وخت کمیونسٹ پارٹی نا آزموندہ غاتیان پبی فائدہ ہرفے۔ سے شنبے نادے آ پی ٹی آئی نا مرکزی میڈیا ڈیپارٹمنٹ آن جاری بیان نا رداٹ چینی کمیونسٹ پارٹی نا سلہ غا تحریک انصاف نا قاضی احمد اکبر نا کماشی ٹی 24باسکی ڈل سے شنبے نادے آ چین آ رادہ مسنے۔ روانگی آن مست ڈل پی ٹی آئی نا مرکزی سیکرٹری جنرل عامر محمود کیانی تون اوڑدہی، اوڑدہی ٹی پی ٹی آئی نا مرکزی نائب صدر زاہد حسین کاظمی ہم ساڑی ئس، ڈل چین اٹی اڈکننگ نا بابت سیکرٹری جنرل آن جم راہشونی ہلک۔ داوخت آ پی ٹی آئی نا مرکزی سیکرٹری جنرل عامر محمود کیانی پارے کہ چین پاکستان نا متکن آ و پت دار سنگت ءِ۔ چینی کمیونسٹ پارٹی و پاکستان تحریک انصاف نا نیام اٹ شریداری نا عمل مون آ ہِننگ ءِ۔ چینی کمیونسٹ پارٹی پوسکن آ جمہوری جماعت نا وڑک اسے۔ اوپارے کہ تحریک انصاف نا ڈل چین اٹی اڈ کننگ اٹ کمیونسٹ پارٹی نا آزموندہ غاتیان پبی فائدہ ہرفے۔ تحریک انصاف نا کارندہ غاتے کن خصوصی پروگرام ٹہیفنگ آ چینی کمیونسٹ پارٹی نا سرکڑدہ خاص کر پاکستان اٹی چینی سفیر نا منت وار اُن۔