نیویارک۔ 23 ستمبر (اے پی پی) وزیراعظم عمران خان تون سوئس کنفیڈریشن نا صدر یاؤلی ماؤرر اوڑدہی کرے۔ اوڑدہی ٹی ہڑتوم آ ملک آک سیاسی، واپاری و اقتصادی تعلقداری تتون اوار چندی بشخ آتے ٹی ہڑتوم آ کنڈآتا کمکاری ءِ ودفنگ آ امنا کریر۔ ہڑتوم آ راہشون تا نیام اٹ دا اوڑدہی اقوام متحدہ نا جنرل اسمبلی نا 74می دیوان نا وخت آ مس۔ اوڑدہی ٹی ہڑتوم آ راہشونک تین …
وزیراعظم عمران خان تون سوئس کنفیڈریشن نا صدر یاؤلی ماؤرر اوڑدہی کرے
گیشتریں ھال
نیویارک۔ 23 ستمبر (اے پی پی) وزیراعظم عمران خان تون سوئس کنفیڈریشن نا صدر یاؤلی ماؤرر اوڑدہی کرے۔ اوڑدہی ٹی ہڑتوم آ ملک آک سیاسی، واپاری و اقتصادی تعلقداری تتون اوار چندی بشخ آتے ٹی ہڑتوم آ کنڈآتا کمکاری ءِ ودفنگ آ امنا کریر۔ ہڑتوم آ راہشون تا نیام اٹ دا اوڑدہی اقوام متحدہ نا جنرل اسمبلی نا 74می دیوان نا وخت آ مس۔ اوڑدہی ٹی ہڑتوم آ راہشونک تین پہ تینی علاقائی و ہڑتوم آ کنڈآتا است خواہی نا چندی معاملہ غاتیا سرجم گپ و تران کریر۔ وزیراعظم عمران خان سوئس کنفیڈریشن نا صدر ءِ بھارتی جموں و کشمیر نا ساڑی آحالیت خاص کر انسانی حق و انسانیت سوز حالیت آتیان معلومدار کرے۔ اومقبوضہ جموں و کشمیر اٹی تدوک آ 50 دے آن جاری کرفیو و ایلو پابندی تے دمدستی وڑاٹ چٹفنگ نا گرج آ زور شاغا۔ وزیراعظم عمران خان ڈیہہ ٹی امن و سلامتی نا رکھ اکن تنازعہ جموں و کشمیر نا ایسری نا اہمیت آ زور شاغا۔
