مقبوضہ جموں و کشمیر اٹی انسانی حق آتا خلاف ورزی تا بابت گپ و تران
نیویارک ۔ 23 ستمبر (اے پی پی) صدر انٹرنیشنل کرائسس پڑک (آئی سی جی) رابرٹ مالے داڑے نیویارک اٹی وزیر خارجہ مخدوم شاہ محمود قریشی تون اوڑدہی کرے و مقبوضہ جموں و کشمیر اٹی انسانی حق انا خلاف ورزی تا بابت گپ و تران کرے ۔ اوڑتون گپ و تران کرسا وزیر خارجہ شاہ محمود قریشی پارے کہ ہندوستان 5 اگست آن مقبوضہ جموں و کشمیر اٹی برترین کرفیو خلسا 80 لکھ کشمیری تے یرغمال کرینے، حالیت آک داخہ در گڑتی نا ءُ کہ انسانی جان تے بچفوک آ دوائی و خور اسکان دوبفننگ ءِ ۔ مخدوم شاہ محمود قریشی پارے کہ جہانی میڈیا و انسانی حق آ کاریم کروک آجہانی تنظیمک مقبوضہ جموں و کشمیر اٹی جاری بھارتی بیدادی نا پڑدہ ءِ پاش کننگ ءُ ۔ اوپارے کہ ڈیہہ ٹی دیرپا امن کن تین پہ تینی جھیڑہ غاتا ایسری المی ءِ ۔
