نیویارک ۔ 23 ستمبر (اے پی پی) وزیر ءِ درئی کار شاہ محمود قریشی ءَ گوشت کہ مزن وزیر عمران کان ءَ امریکی صدر ڈونلڈ ٹرمپ ءَ گوں گند ءُُ نند ءِ ساھت ءَ کشمیر ءِ جیڈھ ءِ سر ءَ بن گپ ءَ را تلپچیں رنگ ءَ مقبوضہ کشمیر ءَ بنی آدمی لگت مالی ٹوھیں جیڈھ ءِ جوڑ بوتگ، امریکہ ءَ ھوار میاں اوستمانی برات مقبوضہ کشمیر ءَ گیش چپ ءُُ چوٹیں جاور ھال آں چہ بچگ ءِ واستہ زوت گامگیج بکنت، دگنیا بہ زانت کہ ایمنی ءِ کشک ءَ درستاں چہ مستریں پینگ بھارت انت، صدر ڈونلڈ ٹرمپ ءَ امریکہ ایران کشاں چیل ھلاسی ءِ واستہ مزن وزیر عمران خان ءِ کرد ءَ پیلو کنگ ءِ پیشوکی قبول کتگ ۔ اے ھیالانی درشانی آئی ءَ دو شمبے ءَ ادا مزن وزیر عمران خان ءُُ صدر ڈونلڈ ٹرمپ ءِ گند ءُُ نند ءَ پد میڈیا ءَ گوں تران کنان ءَ کت ۔ آئی ءَ گوشت کہ مزن وزیر عمران خان ءَ صدر ڈونلڈ ٹرمپ ءَ گوں گند ءُُ نند ءِ ساھت ءَ سئے کار آنی سر ءَ تران کتگ، مزن وزیر عمران خان ءَ کشمیر ءِ جیڈھ ءِ سر ءَ تل پچیں رنگ ءَ تران کنان ءَ امریکی صدر ءَ پاکستان ءِ لیکہ ءَ را سرپد کتگ ۔ مزن وزیر ءَ گوشت کہ مقبوضہ کشمیر ءَ جاور ھال بنی آدم آنی لگت مالی ٹوھیں جیڈھ ءِ تہ ءَ مٹ بوتگ، 80لکھ مردم آناں چپ ءُُ چاگرد کنگ بوتگ، آھودے مردم آنی بنیاتی ھک لگت مال کنگ بوتگ اَنت، آھودے جاور روچ پہ روچ ھراب تر بوھگ ءَ انت ۔ آئی ءَ گیش تران کت کہ امریکہ ءَ ھوار میاں اوستمانی برات اے ھوالگ ءَ وتی کرد ءَ پیلو بکن اَنت ۔ آئی ءَ گوشت کہ کشمیر ءِ جیڈھ ءِ سئے پریک اَنت ایشانی تہ ءَ پاکستان ءُُ کشمیر ءَ بھارت ءِ گامگیج رد کتگ وھدیکہ بھارتی ھم اے جیڈھ ءِ سر ءَ بھر ءُُ بانگ اَنت، بھارتی مزن وزیر ءِ گامگیج ءِ ھلاہ ءَ بھارتی سپریم کورٹ ءَ 14 دزبندی جم کنگ بوتگ، چاراں کہ بھارتی سپریم کورٹ ءَ چینکیاس کنشت است یا آھم آر ایس ایس ءِ بیم ءِ آماچ بیت ۔
