نیویارک ۔ 23 ستمبر (اے پی پی) امریکی صدر ڈونلڈ ٹرمپ ءَ مزن وزیر عمران خان ءِ دمگی ایمنی ءِ واستہ جوانیں ءُُ جھلانکیں لیکہ ءَ را ساڑات ءُُ 70سالی کوھنیں کشمیر ءِ جیڈھ ءِ سر ءَ پاکستان ءُُ بھارت ءِ نیام ءَ سلاھ کنوک ءِ پیشوکی تران ءَ را یک رند ءِ پد ءَ گوشت ۔ اقوام متحدہ ءِ جنرل اسمبلی ءِ 74دیوان ءِ موہ ءَ صدر ءِ ٹرمپ ءَ مزن وزیر عمران خان ءِ ھمبراھی ءَ پریس کانفرنس ءَ گوشتانک دیان ءَ گوشت کہ آئی ءِ مزن وزیر عمران خان ءُُ بھارتی مزن وزیر نریندر مودی ءِ گوما جوانیں یکوئی است ۔ امریکی صدر ءَ گوشت کہ کشمیر یک ٹوھیں جیڈھ ات ءُُ اگاں دوئیں ملک لوٹاں گڈا آ سلاھ کت کنت ۔ من تیار آں ، واھشت ایگ ھم است آں ءُُ بستار ءَ ھم دار آں ۔ اے جیڈھ باز دیراں چہ چلگ ءَ انت، اگاں دوئیں ملک لوٹاں گڈا ایشی ءِ واستہ تیار آں ۔ مقبوضہ کشمیر ءَ بنی آدم آنی ھک آنی لگت مالی ءِ ھوالگ ءَ یک جستے ءِ پسو ءَ صدر ٹرمپ ءَ گوشت کہ من لوٹاں کہ درستاں چہ شرتریں سلوک ءَ کنگ بہ بیت ۔ آئی ءَ امیت سہرا کت کہ پاکستان ءُُ بھارت دوئیں کشمیر ءِ جیڈھ ءِ سر ءَ یکجائی ءَ کالر بکن اَنت ۔ آئی ءَ گوشت کہ من مزن وزیر عمران خان ءَ گوں اقوام متحدہ ءِ جنرل اسمبلی ءِ دیوان ءَ ملگ لوٹیتگ چیا کہ عمران خان دمگی دیمروئی ءِ واستہ وتی کرد ءَ پیلو کنگ لوٹ ایت ۔ ہوسٹن ءَ گوستگیں روچ ءَ السی مچی ءَ گوں گشتانک دیان ءَ بھارتی مزن وزیر ءِ گہگیری بیان ءِ ھوالگ ءَ دیان ءَ صدر ءِ ٹرمپ ءَ گوشت کہ آئی ءَ را پاکستان ءُُ مزن وزیر عمران خان ءِ سر ءَ دل یکیمی انت چیا کہ آ پڑ ءِ دیمروئی ءِ واستہ کار کنگ لوٹ ایت ۔ آئی ءَ گوشت کہ اوگانستان ءَ برجائی پڑے ضلورت انت، اوگانستان ءَ ایمنی ءَ چہ پاکستان ءَ ایمنی کئیت، پاکستان اوگانستان ءَ ایمنی ءِ واستہ وتی جوانیں کرد ءَ پیلو کنگ ءَ انت ۔ آئی ءَ کشمیر ءِ ارزشت ءَ را سہرا کنان ءَ گوشت کہ کشمیر ءَ ب بنی آدم آنی لگت مالی کنگ بوھگ ءَ انت ایشرا ھلاس کنگ لوٹ ایت ۔ آئی ءَ گوشت کہ امریکی صدر مزنیں ملک ءِ صدر ءِ بوھگ ءِ بستار ءَ زمہ دار انت ۔ اوگان کشاں چیل ءِ ھوالگ ءَ دیان ءَ مزن وزیر عمران خان ءَ گوشت کہ اوگانستان ءَ ایمنی وھد ءِ ضلورت ءُُ پاکستان ءِ گہتریں سیت ءِ واستہ انت ۔
