نیویارک ۔ 23 ستمبر(اے پی پی) مزن وزیر عمران خان ءَ برطانیہ ءِ مزن وزیر بورس جانسن ءَ گوں گند ءُُ نند کت ۔ اے گند ءُُ نند نیویارک ءَ اقوام متحدہ ءِ جنرل اسمبلی ءِ 74ھپتاد ءُُ چارمی دیوان ءِ موہ ءَ کنگ بوت ۔ دوئیں سروک آں وت مہ وتی ، دمگی ءُُ دو نیمگی واھگی کار آنی بازیں پڑ آنی سر ءَ ھیال ریچی کت ۔ مزن وزیر عمران خان ءَ برطانوی مزن وزیر ءِ مقبوضہ کشمیر ءِ استیں جاور ھال آنی ھوالگ ءَ سرپد کت ءُُ اے گپ ءِ سر ءَ زور پر دات کہ میاں اوستمانی برات بنی آدمی ھک ءُُ بنی آنی جاور ھال ءِ سنگینی ءُُ ایشی آسر آں گوں گر ءُُ چیل ءِ واستہ وتی کرد ءَ پیلو بکن اَنت ۔ مزن وزیر ءَ جموں کشمیر ءِ جیڈھ ءَ را ایمنی ءَ گوں گیواری ءَ آسراتی ءُُ ایمنی ءُُ سلامتی ءِ بیم آں گوں گر ءُُ چیل ءِ واستہ دست پنجگی ءِ وساتہ زوتیں رد ءَ کرفیو ءُُ ایندگر بندش آں ھلاس کنگ ءِ زور دات ۔ برطانیہ ءِ مزن وزیر بورس جانسن ءَ گوشت کہ برطانیہ اے جاور ھال آنی سر ءَ ٹوھیں زانشت ءِ دار ایت ءُُ اے ھوالگ ءَ وتی کرد ءَ پیلو کنت ۔ دوئیں سروک آں نزیکیں رابطہ ءِ سر ءَ تپاک کت ۔ دوئیں ملک آنی مزن وزیر آں اوگان ایمنی کار ءُُ تپاکی کار ءَ ھوار دمگی ارزشت ءِ ایندگر کار آنی سر ءَ ھم ھیال ریچی کت ۔ آئی ءَ سیاسی ، تجارتی ءُُ معیشت ءَ ھوار جتا جتائیں شوبگ آنی تہ ءَ کمک آناں گیش ودینگ ءِ سر ءَ تپاک کت ۔
