نیویارک ۔ 23 ستمبر (اے پی پی)امریکی صدر ڈونلڈ ٹرمپ ءَ پاکستان ءُُ بھارت ءِ نیام ءَ یک رند ءِ پد ءَ سلاھ کنوک بوھگ ءَ پیشوکی کنان ءَ امیت سہرا کت کہ پاکستان ءُُ بھارت کشمیر ءِ جیڈھ ءِ گیواری ءِ واستہ یکجائی ءَ کار کن اَنت ۔ دو شمبے ءِ مزن وزیر عمران خان ءَ امریکی صدر ڈونلڈ ٹرمپ ءَ گوں گند ءُُ نند ءَ پد ھال رسانکی در آں گوں تران کنان ءَ گوشت کہ عمران خان ءَ جوانیں مزن وزیر ءُُ جوانیں سنگت است، عمران خان ءِ سر ءَ دل یکیم آں ، مزن وزیر عمران خان پڑ ءِ دیمروئی ءِ واستہ کار کنگ لوٹ ایت ۔ آئی ءَ گوشت کہ منی مزن وزیر عمران خان ءُُ بھارتی مزن وزیر نریندر مودی ءَ گوں جوانیں سیادی است انت ءُُ من دوئیں ملک آنی نیام ءَ سلاھ کنوک بوھگ ءِ گپ ءِ سر ءَ اوشتاتگ آں ۔ کشمیر ءِ ھوالگ ءَ یک جستے ءِ پسو ءَ امریکی صدر ء ۔ گوشت کہ من لوٹاں کہ دگنیا ءَ ھمک مردم ءَ گوں جوانیں ءَ گند ءُُ نند کنگ بہ بیت، امیت انت کہ پاکستنا ءُُ بھار ت کشمیر ءِ جیڈھ ءِ گیواری ءِ واستہ یکجاھ بنت ءُُ کار کن اَنت ۔ آئی ءَ گوشت کہ بھارتی مزن وزیر نریندر مودی ءَ زیکیں دیوان ءَ ترندیں زبان کارمرد کتگ ۔ اے موہ ءِ سر ءَ مزن وزیر عمران خان ءَ گوشت کہ امریکی صدر ڈونلڈ ٹرمپ ءَ گوں اوگانستان ، بھارت ءُُ مقبوضہ کشمیر ءِ جاور ال آنی سر ءَ ھیال ریچی کت ۔ آئی ءَ گوشت کہ اوگانستان ءَ برجائی پڑے ضلورت انت، اوگانستان ءَ ایمنی ءَ چہ پاکستان ءَ ایمنی کئیت، پاکستان اوگانستان ءَ ایمنی ءِ واستہ وتی جوانیں کرد ءَ پیلو کنگ ءَ انت ۔ آئی ءَ کشمیر ءِ ارزشت ءَ را سہرا کنان ءَ گوشت کہ کشمیر ءَ ب بنی آدم آنی لگت مالی کنگ بوھگ ءَ انت ایشرا ھلاس کنگ لوٹ ایت ۔ آئی ءَ گوشت کہ امریکی صدر مزنیں ملک ءِ صدر ءِ بوھگ ءِ بستار ءَ زمہ دار انت ۔
