وزیر مملکت برائے موسمی مٹ ءُُ بدلی زرتاج گل وزیر ءِ واٹر ایڈ ءِ چیر دستی ءَ ورکشاپ ءَ گوں گشتانک ءُُ ’’اے پی پی‘‘ ءَ گوں تران

اسلام آباد ۔ 23 ستمبر (اے پی پی) وزیر ءِ مملکت برائے موسمی مٹ ءُُ بدلی زرتاج گل وزیر ءَ گوشت کہ مزن وزیر عمران خان اقوام متحدہ ءَ کشمیر ءِ کیس ءَ جوانیں رنگ ءَ پیش کنگ ءَ انت، نریندر مودی ءِ کشمیر ءِ ھوالگ ءَ بن گپ سک باز ارزشتی انت، ایشرا کشمیری الس ءِ واھشت آنی شرپ کنگ لوٹ ایت، کلین گرین پاکستان آیوکیں باھند آنی منصوبگ انت ۔ اے ھیالانی درشانی آئی ءَ دو شمبے ءَ در سرکاری گل واٹرایڈ ءِ چیر دستی ءَ ’’ رویہ آنی مٹ ءُُ بدلی‘‘ ءِ بن گپ ءِ رد ءَ برجم داشتگیں ورکشاپ ءَ گوں گشتانک ءُُ ایشی ءَ چہ پد ’’ اے پی پی ‘‘ ءَ گوں تران کنان ءَ کت ۔ زرتاج گل ءَ گوشت کہ امریکہ ءَ مودی ءِ مچی ءِ شریکیں مردم آں چہ گیشتریں کساس ءِ مردم ڈن ءَ جاک ءُُ کوکار کنگ ءَ بوتگ انت ، ایشانی تہ ءَ سکھ ءُُ مسلمان آنی مزنیں کساسے بوتگ ۔ آئی ءَ گوشت کہ نریندر مودی ءِ کشمیر ءِ ھوالگ ءَ لیکہ سک باز ھمزور انت ءُُ سرج میں دگنیا بھارت ءَ را اراد گرگ ءَ انت چیا کہ آئی ءَ 50روچاں چہ کشمیر ءَ کرفیو انت ءُُ آھودا بنی آدمی زندمان ءِ جاور سک باز نہ گیگ انت ۔ آئی ءَ گیش تران کنان ءَ گوشت کہ مارا سینی ٹیشن ءِ جیڈھ آنی سر ءَ دلگوشی دیگ لوٹ ایت ۔ ورکشاپ ءَ سرج میں ملک ءَ چہ ضلعی اپسرگ ءُُ سول سوساءٹی ءِ نماھندگ ءُُ گہبودی منصوبگ آناں وھد ءُُ موہ ءِ سر ءَ بنگیج کنگ ءُُ ایشاناں کامیات کنگ ءِ ھوالگ ءَ ھیل کاری دیگ بوت ۔