اسلام آباد۔ 23ستمبر (اے پی پی) کاربن ریسائیکلنگ نا بابت ارٹ میکو ہائیڈرو جن انرجی وزارتی دیوان و جہانی کانفرنس چارشنبے نادے و ایل این جی پروڈیوسر کنزیومر کانفرنس پنچ شنبے نادے آ ٹوکیو ٹی اڈ ہلیک۔ کانفرنس اٹی بنجائی وزیر بجلی و پٹرولیم عمر ایوب خان پاکستان نا ڈل انا کماشی ءِ کیک۔ کانفرنس اٹی بشخ ہلنگ کن اودے جاپان نا وزیر معیشت و صنعت بٹنگانے۔ ایل این جی پروڈیوسرکنزیومر کانفرنس 2012ء آن اڈ ہلنگ ءِ و دا نا مسخت ایل این جی نا بشخ اٹی کمکاری ءِ مون آ دننگ کن پلیٹ فارم اس مہیا کننگ نا ءِ۔ کانفرنس اٹی سرکاری و نجی بشخ انا ایل این جی نا کمپنی تے مارکیٹنگ نا حکمت عملی آن اسہ ایلو ءِ روشناس کرفنگ اٹ کمک رسینگک۔ پاکستان ایل این جی نا جہانی صارف آتے ٹی اسہ بھلو صارف ملک اسے نا وڑاٹ مون آ بسنے و اونا کانفرنس اٹی اوار مننگ بھاز اہمیت تخک۔ بنجائی وزیر بجلی و پٹرولیم نا کانفرنس اٹی شمولیت آن ایل این جی نا مارکیٹ اٹی پاکستان ءِ گچین ہند اس دوئی کننگ اٹ کمک رسینگک و پاکستان ہائیڈروجن ٹیکنالوجیز نا بشخ اٹی پوسکن آ بدلی تیان ہم روشناس مننگ کیک۔

متعلقہ مضامینمصنف کی طرف سے مزید