زندہ و باشعور قومک تینا دودوربیدہ و روایتی قدر و تاریخی میرات آتا رکھ ءِ کیرہ، قائم مقام اسپیکر قومی اسمبلی قاسم خان سوری نا جہانی پشتون کلچر ڈے انا مناسبت اٹ کلہو

اسلام آباد۔ 23ستمبر (اے پی پی) قائم مقام اسپیکر قومی اسمبلی قاسم خان سوری پارینے کہ بلوچستان چندی قوم، قبیلہ و رنگ و نسل آن تعلقدار آتا پھل آتا دستی اسے۔ ننا صوبہ نا جوان انگا ربیدہ تہذیب و تمدن آن داڑے رہینگوک بندغ آک درست مریرہ، جہانی پشتون کلچر ڈے انا رداٹ قاسم خان سوری تینااسے کلہو اسے ٹی پارینے کہ زندہ و باشعور قومک تینا ربیدہ، روایتی قدر و تاریخی میرات آتا رکھ ءِ کیرہ دادے ءِ اڈ تننگ مسخت ہموغٹ روایت، ربیدہ و زند انا جوان انگا وڑوڈول آتے جوان وڑاٹ سرپند مننگ و دادے ءِ مدام زندہ تخنگ نا کوشست اسے۔ قائم مقام اسپیکر قومی اسمبلی پارے کہ صوبہ نا ادبی تاریخ اٹی پشتون شاعر، ادب و مورخ ومصنف آک صوبہ نا تہذیبی، دودوربیدہ، تاریخی و روایتی ترجمانی ءِ جوان وڑاٹ کرینو و مدام رواداری، سگ، تحمل مزاجی و میانہ روی آ عمل کرسا ایلمی ءِ مون آ درینو۔ قاسم خان سوری پارے کہ اینو نا دادے ننے ہمو غٹ جوان انگا اصول آتیا پورو وڑاٹ عمل کننگ نا سبخ ایتک و تخریبی سوچ انا نفی ءِ کرسا اسہ جوان ءُ راج اسے نا ٹہیفنگ نا کنڈآ دیک۔