نیویارک ۔ 22 ستمبر (اے پی پی) مزن وزیر عمران خان ءَ سیکرٹری جنرل ایمنسٹی انٹرنیشنل کومی نائیڈو ءَ گوں گند ءُُ نند کت ۔ گند ءُُ نند ءِ ساھت ءَ مزن وزیر ءَ مقبوضہ کشمیر ءِ استیں واکیہ ءُُ بنی آدمی ھک آنی ھلاپ کنگ ءُُ میاں اوستمانی تک ءَ سہرا کنگ ءَ ایمنسٹی انٹرنشنل ءِ کرد ءَ را ساڑات ۔ ادا جاڑی بوتگیں بیان ءِ رد ءَ مزن وزیر عمران خان ءَ اقوام متحدہ ءِ جنرل اسمبلی ءِ دیوان ءَ بھر زورگ ءِ واستہ امریکہ ءِ تر ءُُ تاب ءِ موہ ءَ یک شمبے ءِ روچ ء َ سیکرٹری جنرل ایمنسٹی انٹرنیشنل ءَ گوں گند ءُُ نند کت ۔ مزن وزیر ءَ گوشت کہ مقبوضہ کشمیر ءَ بنی آدم آنی ھک آنی واستہ گوانک ءِ چست کنوکیں گل آناں لس مردم آں تاں سر بوھگ ءَ نئیلگ ءَ انت ۔ آئی ءَ مقبوضہ کشمیر ءِ استیں واکیہ ءُُ بنی آدمی ھک آنی ھلاپ کنگ ءُُ لگت مالی ءَ را میاں اوستمانی پڑ ءَ سہرا کنگ ءَ ایمنسٹی انٹرنیشنل ءِ جوانیں کرد ءَ را ساڑات ءُُ گوشت کہ ایمنسٹی انٹرنیشنل ءَ کشمیر ءَ بنی آدمی ھک آنی لگت مالی ءِ راستیں لکا ءَ را 7ھپتگے دراج بُریں لاک ڈاءون ءِ کسو ءَ شنگ ءُُ تالان کنگ ءِ کلیتی کرد پیلو کتگ ۔ مزن وزیر ءَ بھارت ءِ نیمگ ءَ پیلٹ گنز ءِ کارمردی ءُُ ایشی ءَ چہ کشمیری ورنا آنی سر ءَ بوتگیں رند پد آنی ھوالگ ءَ ایمنسٹی ءِ رپوٹ ءَ را ساڑات ۔ اے موہ ءِ سر ءَ وزیر ءِ درئی کار ءَ گوشت کہ کشمیری الس آنی سول سوساءٹی وکالت ءَ کمک جاڑی دارگ ءِ واستہ اقوام ءِ متحدہ ءِ کشمیر ءِ سر ءَ دو رپوٹ یک مھک میں بنیات ات ۔ ایمنسٹی انٹرنیشنل ءِ سیکرٹری جنرل کومی نائیڈدو ءَ مزن وزیر ءَ را کشمیر ءَ گپ جنگ ءَ بِل ءِ ایمنسٹی ءِ ا یڈوکیسی کار ءِ ھوالگ ءَ بریفنگ دات ۔ آئی ءَ گوشت کہ مزن وزیر ءَ را ایٹماسپئیر انصاف ءَ چہ ھمے ایمنسٹی ءِ کار ءِ ھوالگ ءَ سرپد کت ءُُ ایٹماسپئیر ءِ مٹ ءُُ بدلی ءِ ھوالگ ءَ جیڈھ آنی ھوالگ ءَ مزن وزیر ءَ را گلوبل ساءوتھ ایڈوکیسی ءِ سر ءَ چار ءُُ بچار ءِ شور ءُُ سلاھ دات ۔
