سیالکوٹ ۔ 22 ستمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان ءِ سروکی ءَ پاکستان دیمروئی ءِ کشک ءِ کوھنڈگ آں پار کنت، مزن وزیر الس ءِ سسا ءَ را مٹ کنگ ءِ ٹوھیں بستار ءَ دار ایت ءُُ سسا ءِ مٹ کنگ ءِ واستہ درستاں چہ مستریں اسپر زانشت انت، مزن وزیر ملک ءَ چہ سودی نظام ءِ دور کنگ ءِ واستہ جزمیگ انت، یک سالے ءِ توک ءَ ٹیکس دیوان آنی کساسس 6لکھ ءِ گیشی بوتگ، یک سالے ساھت ءَ بجٹ ءِ کمیگ ءِ تہ ءَ ھم جوانی اتکگ ۔ ڈن ءَ سامان ءِ روان دیگ ءِ پڑ ءَ ھاسیں گامگیج کنگ بوتگ ۔ یک شمبے ءِ روچ ءَ سیالکوٹ ءَ مچی ءَ گوں گشتانک دیان ءَ آئی ءَ گوشت کہ سیالکوٹ ملک ءِ صنعتی شہر ات گوستگیں 10سال آنی تہ ءَ سیالکوت ءَ یک ھم نوکیں صنعت ءِ جنگ نہ بوتگ، گوستگیں وھد ءَ مردم آں سیاست ءِ وسیلگ کاروبار جوڑ کنگ سیالکوٹ ءِ دمگ آناں پشت مندگ کتگ، ملکی تاریخ ءَ اولی رند ءَ جیب آنی پُر کنوک آنی مٹ ءَ ملکی ھزانگ پُر کنگ بوھگ ءَ انت ۔ ڈاکٹر فردوس عاشق اعوان ءَ گوشت کہ مزن وزیر کشمیری الس آنی کیس ءَ کنگ ءَ انت ءُُ آ جنرل اسمبلی ءِ دیوان ءَ کشمیر ءِ کیس ءَ پیش کنت انت ۔ آئی ءَ گوشت کہ کرناں چہ سیاست کنوک اُلس آناں گمراہ کنگ ءَ انت، مولانا فضل الرحمن 22نمبر بنگلہ ءِ واستہ بے چین انت، دُز آنی ٹولیگ چندہ گران ءَ مارچ ءِ تیاری ءَ کنگ ءَ انت وھدیکہ دومی نیمگ ءَ مزن وزیر عمران خان 22کروڑ الس ءِ بابت ءَ سسا کنگ ءَ انت ۔ پاکستان ءَ را اے وھد ءَ سیاسی برجائی ءِ ضلورت انت ۔
