وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد۔ 22ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان ہربندغ نا سنگت ءِ، و اونا زند انا آب ءِ بڑز خننگ اونا نصب العین ءِ، احساس پروگرام نا مسخت مچ آ ملک آن غریب آتے غریبی نا لکیر آن کشسا اوفتے معاشی شونداری نا بشخ کننگ و بے بریبری تا چٹفنگ نا ءِ، جان جوڑی کارڈ آن ملک اٹی اسہ کروڑ پنچ لکھ اُرافائدہ ہرفرہ۔ داخیال آتا درشانی ءِ او یک شنبے نادے آ تینا ٹویٹ اٹی کرے۔ اوپارے کہ جان جوڑی انصاف کارڈ و احساس پروگرام وزیراعظم عمران خان نا محرومی، نیزگاری و بے سیبو تا دوءِ ہلنگ و اوفتے راجی و معاشی شونہالی نا کسر آ روان کننگ نا سوچ انا عملی درشانی ءِ، او لس بندغ نا سنگت ءِ و اوفتا زند انا آب ءِ بڑز خننگ اونا نصب العین ءِ۔ ڈاکٹر فردوس عاشق اعوان پارے کہ جان جوڑی کارڈ آن ملک اٹی اسہ کروڑ پنچ لکھ اُرافائدہ ہرفرہ و اوفتے سرکاری ہسپتال آتے ٹی 7 لکھ 20 ہزار روپئی اسکان نا درمان مفت فراوان کننگک، وزیراعظم نا وژن نا رداٹ بروک آ اِراسال اٹی دا کارڈآتے یک و نیم بندغ اٹ بشخنگک۔ خصوصی کمکار پارے کہ داہڑتوم آ پروگرامک نیزگار و نادار بندغ آتا رکھ اکن مزل نا نشان مریرہ، ناجوڑی آن زیات ہچ ءُ بے وسی اس مفک۔ جان جوڑی کارڈ آن ہمو نیزگار و نادار خلقت نا درمان ممکن مننگ ءِ ہرا تینا مالی حالیت آتا رداٹ ہسپتال آتیا ہِننگ کپسہ وخت اس کہ احساس پروگرام نا مسخت نیزگار آتے نیزگاری نا لکیر آن کشسا معاشی شونداری نا بشخ کننگ و بے بریبری نا چٹفنگ ناءِ۔