تحریک انصاف ملک ءِ وڈی خوری آن پاک کننگ کن بے پرخ احتساب آ یخین تخک، گورنرپنجاب چوہدری محمد سرور

لاہور۔ 22 ستمبر (اے پی پی) گورنر پنجاب چوہدری محمد سرور پارینے کہ تحریک انصاف ملک ءِ وڈی خوری کون آ ناسور آن پاک کننگ کن شفاف و بے پرخ احتساب آ یخین تخک، ننا حکومت مہالو اپوزیشن ءِ انتقام نا نشانہ کرے و نئے داسہ کیک۔ او لاہور تون اوار چندی ضلع غاتیان تحریک انصاف نا چندی ڈل آتون اوڑدہی ٹی گپ و تران کریکہ۔ گورنر پارے کہ اپوزیشن ءِ بایدے مرے کہ او برانزی دھرنہ و لاک ڈاؤن نا دھڑکو تننگ آن تینے اسہ کنڈ کے انتئے کہ الس وزیراعظم عمران خان نا کماشی ٹی تحریک انصاف ءِ 5سال حکومت کننگ نا مینڈیٹ تسنے، انشاء اللہ نن تینا آئینی مد ءِ پورو کینہ و السی است خواہی تا رداٹ ہی غٹ فیصلہ غاتے کننگک۔ اوپارے کہ نیزگاری، کبینی و بے روزگاری کون آ ویل آتا چٹفنگ الس ءِ جان جوڑی و تعلیم تون اوار غٹ بنداوی آسراتی تا فراوانی کن بنجائی و پنجاب حکومت پبی گام گیج کننگ ءِ۔ اوپارے کہ پارٹی کن قربانی تروک آ کارندہ غاتے ہچ ءُ حالیت اسے ٹی گوجالنگ پننگک بلکن بنجائی وپنجاب حکومت کارندہ غاتے اوفتا روا ہند ایتک۔