اقوام متحدہ ٹی پاکستان نا آخبتی مندوب ملیحہ لودھی نا نجی ٹی وی چینل تون گپ و تران

نیویارک۔ 22ستمبر (اے پی پی) اقوام متحدہ ٹی پاکستان نا آخبتی مندوب ملیحہ لودھی پارینے کہ وزیراعظم عمران خان مشن کشمیر نا چرجوئی ٹی داڑے سرمسنے، نن خوانہ کہ جہانی تنظیمک تینا موقف آ سلر تانکہ نن مزل آ سرمننگ کین، مزل ہندادے کہ کشمیر اٹی الس ءِ حق خودارادیت ملے، عمران خان نا مسخت دنیا ءِ پاننگ نا ءِ کہ کشمیر اٹی ظلم بند و بھارتی کوزہ چٹے، وزیراعظم عمران خان نا نیویارک آ بننگ نا مسخت مقبوضہ کشمیر اٹی مروک آ بیدادی آن دنیا ءِ معلومدار کننگ ناءِ، نن خوانہ کہ اقوام متحدہ نا سیکرٹری جنرل ہم ویل انا ایسری کن کڑد ادا کے۔ داخیال آتا درشانی ءِ او وزیراعظم عمران خان نا نیویارک آ بننگ آن پد اسہ نجی ٹی وی چینل اسے تون گپ و تران کرسا کرے۔ اوپارے کہ وزیراعظم عمران خان نا داڑے امریکہ، چین و ایلو ملک آتا سروک آتون اوار اہم جہانی شخصیت آتون اوڑدہی مریک۔ امریکی صدر ٹرمپ اتون اوڑدہی آن پد ہرینہ کہ او انت کڑد اس ادا کننگ خواہک، عمران خان نا مسخت دنیا ءِ پاننگ نا ءِ کہ کشمیر اٹی ظلم بند و بھارتی کوزہ چٹے۔ اوپارے کہ وزیراعظم عمران خان نا نیویارک آ بننگ نا مسخت مقبوضہ کشمیر اٹی مروک آ بیدادی آن دنیا ءِ معلومدار کننگ ناءِ، نن خوانہ کہ کشمیر نا ایسری کن جہانی برادری اواری اٹ کڑد ادا کے۔