اسپیکر قومی اسمبلی اسد قیصر و قائم مقام اسپیکر قاسم خان سوری نا مسافر بس انا شکست اٹی نہادی انسانی جان تا نسخان آ ڈکھ و است ہسونی نا درشان

اسلام آباد۔ 22 ستمبر (اے پی پی) اسپیکر قومی اسمبلی اسد قیصر و قائم مقام اسپیکر قاسم خان سوری گلگت آن بروک آ مسافر بس انا شکست اٹی نہادی انسانی جان تا نسخان آ ڈکھ و غم و است ہسونی نا درشانی ءِ کرینو۔ یک شنبے نادے آ داڑے جاری بیان اسے ٹی اوفک بابوسرٹاپ انا خڑک سکردو آن راولپنڈی آ ہنوک آ مسافر کوچ ءِ پیش بروک آ شکست اٹی 26مسافر آتا تپاخت کننگ و 15مسافر آتا بھاز ٹھپی مننگ آ ڈکھ و است ہسونی نا درشانی ءِ کریر۔ اسپیکر و قائم مقام اسپیکر ہندی حکومت ءِ شکست اٹی ٹھپی مروک آ مسافر آتے گچین طبی آسراتی فراوان کننگ نا پارت کریر۔ اوفک شکست اٹی تپاخت کروک آتا روح انا ثواب، ٹھپی تا زوت جان جوڑی و خاہوت آتے داناقابل تلافی نسخان ءِ برداشت کننگ کن صبر و جمیل عطاء کننگ نا ہم دعا کریر۔