بنجائی وزیر توانائی عمر ایوب خان ایل این جی پروڈیوسرز۔کنزیومرز کانفرنس اٹی بشخ ہلنگ کن جاپان آ رادہ مس

اسلام آباد۔ 22 ستمبر (اے پی پی) بنجائی وزیر توانائی عمر ایوب خان ایل این جی پروڈیوسرز۔کنزیومرز کانفرنس 2019ء ٹی بشخ ہلنگ کن جاپان آ رادہ مس، کانفرنس 26ستمبر آ ٹوکیو ٹی مریک، جاپانی وزیر توانائی، واپار و صنعت عمر ایو ب خان ءِ داکانفرنس اٹی بشخ ہلنگ کن خصوصی وڑاٹ بٹنگانے۔ ایل این جی کانفرنس آن پد ارٹ میکو ہائیڈروجن انرجی وزارتی دیوان اڈ ہلیک۔ وزیر توانائی 25ستمبر آ ٹوکیو ٹی کاربن نا ری سائیکلنگ نا بابت سالانہ جہانی کانفرنس اٹی ہم بشخ ہلیک۔ ایل این جی نا بابت پروڈیوسرز۔کنزیومرز کانفرنس 2012ء آن سالانہ بنداو تیا اڈ ہلنگ ءِ ہرانا بنداوی مسخت ایل این جی مارکیٹ نا اہم اسٹیک ہولڈرز آتے اسہ پلیٹ فارم آ جمع کننگ و اوفتا نیام اٹ کمکاری ءِ مون آدننگ نا ءِ۔ اینخو ناسال داکانفرنس اٹی ایل این جی مارکیٹ نا بابت سرکاری و نجی بشخ انا نمائندہ غاک ایل این جی مارکیٹ نا بابت حکمت عملی تیا گپ و تران کیرہ۔