اسلام آباد۔ 21 ستمبر (اے پی پی) بنجائی وزیر داخلہ اعجاز احمد شاہ پارینے کہ شونداری ڈٹ آتا وخت آ پوروی و شفافیت ءِ ہر حال اٹ المی کننگک، باباگورونانک نا 550 می ودی دے انا دود آتا مثالی بست و بند آتے کن غٹ وسیلہ غاتے کاریم اٹ اتنگک، جہانی اہمیت تخوک ننکانہ صاحب شار انا زیبائی کن پبی گام گیج کننگک، وزیراعظم عمران خان بھاز زوت ننکانہ صاحب …
بنجائی وزیر داخلہ اعجاز شاہ نا ڈپٹی کمشنر آفس ننکانہ صاحب اٹی دیوان آن تران
گیشتریں ھال
اسلام آباد۔ 21 ستمبر (اے پی پی) بنجائی وزیر داخلہ اعجاز احمد شاہ پارینے کہ شونداری ڈٹ آتا وخت آ پوروی و شفافیت ءِ ہر حال اٹ المی کننگک، باباگورونانک نا 550 می ودی دے انا دود آتا مثالی بست و بند آتے کن غٹ وسیلہ غاتے کاریم اٹ اتنگک، جہانی اہمیت تخوک ننکانہ صاحب شار انا زیبائی کن پبی گام گیج کننگک، وزیراعظم عمران خان بھاز زوت ننکانہ صاحب اٹی بابا گورونانک یونیورسٹی نا بنداو ءِ تخک، مسکوہی دور تیٹی مروک آ وڈی خوری نا بھرم ءِ مچ آ قوم کُننگ ءِ، ملک اٹی کانود نا بالادستی کن ہروڑ گام گیج کننگک۔ داخیال آتا درشانی ءِ او ہفتہ نادے ڈپٹی کمشنر آفس کمیٹی روم ننکانہ صاحب اٹی بابا گورونانک نا 550 می ودی دے انا دود آتا بست و بند و ننکانہ صاحب شار اٹی جاری چندی شونداری ڈٹ آتا جاچ ءِ ہلنگ کن اڈ ہلوک آ دیوان آن تران کرسا کرے۔ اوپارے کہ پاکستان اٹی غٹ مذہب آتا منوک آتے پورو و مثالی مذہبی آجوئی دوئی ءِ و حکومت اقلیتی برادری نا رکھ اکن پبی گام گیج کننگ ءِ۔
