بنجائی وزیر شیخ رشید احمد نا ریلوے ہیڈ کوارٹر ز اٹی پریس کانفرنس آن تران

لاہور۔ 21 ستمبر (اے پی پی) بنجائی وزیر ریلوے شیخ رشید احمد پارینے کہ مولانا فضل الرحمان خلقت ءِ ناموس رسالت آ یکجا کرسا مذہبی کارڈ ءِ کاریم اٹ اتنگ ءِ، اودے عبدالغفور حیدری نا کمک اٹ کلہو اس تسونن کہ او نرم انگا جاگہ غا نت تخپ ورنہ سیاسی وڑاٹ بھاز بے وڑ زیان مریک و سیاسی پارٹیک ہم اوڑتون سلپسہ، وزیراعظم عمران خان 27 ستمبر آ اقوام متحدہ ٹی مظلوم، بے کس و بے سیبو کشمیری تا کیس ءِ پبی وڑاٹ پیش کیک، سی پیک ڈٹ ءِ پیک کننگ نا تاثر بے بنداو ءِ، او ہفتہ نادے ریلوے ہیڈ کوارٹرز لاہور اٹی پریس کانفرنس آن تران کریکہ۔ بنجائی وزیر پارے کہ کشمیر نا ویل ءِ 52سال آن پد سلامتی کونسل اٹی وزیراعظم عمران خان درے، کشمیر آ سودا بازی کروک آ ک زیاری چم بازی کننگ ءُ، اوپارے کہ او پگہ بھمبر، سماہنی آ کاہک کشمیری ایلم تتون یکجہتی نا درشانی ءِ کیک، وزیراعظم عمران خان و آرمی چیف نا کماشی ٹی پبی وڑاٹ کشمیر نا کیس مون آ کاہک و کشمیر ءِ آجوئی ہرحال اٹ ایتنہ، اوپارے کہ پاکستانی فوج ٹارگٹ تون ہر وخت تیار ءِ و مچ آ قوم تینا فوج اتون سلوک ءِ، بھارت نا کنڈآن اگہہ جلہو اس مریک تو او تینٹ نیست و نابود مریک۔