وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا سیالکوٹ اٹی پریس کانفرنس آن تران

اسلام آباد۔ 21ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارے کہ سعودی عرب امت مسلمہ نا مرکز ءِ۔ وزیراعظم عمران خان سعودی سرکڑدہ غاتون ہرااوڑدہی تے کرے اوفتا وت کشمیر نا ویل ئس۔ ہندوستان کشمیر نا بابت ہرا راستکی تے اودیم کرینے وزیراعظم اوفتے معلومدار کرے۔ بھارتی ریاست نا سیاہ کاری و فوج انا کنڈآن زالبول نا عصمت دری تون اوار غٹ ہیت آتیان سعودی سرکڑدہ غاتے معلومدار کننگا۔ سیالکوٹ اٹی پریس کانفرنس آن تران کرسا اوپارے کہ حرمین شریفین نا دفاع ننا ایمان نا بشخ ءِ۔ دا اہم دورہ ٹی وزیراعظم سعودی آئل تنصیبات آتیا جلہو نا نئے بیرہ مذمت ءِ کرے بلکن حرمین شریفین نا حرمت و تقدس نا دفاع نا کسر اٹ بروک آ داوڑنا ہر چیلنج نا پاکستان نا کنڈآن پبی مخ تفی نا باوری کرفے۔ اوپارے کہ وزیراعظم عمران خان روزہ رسول آ حاضری تس و خانہ کعبہ ٹی او مظلوم کشمیری تا مشکل آتا چٹفنگ و اوفتا بنداوی حق انا فراوانی کن اللہ نا حضور دعا کرے۔ اوپارے کہ وزیراعظم نا یو این اسمبلی نا دورہ خصوصی ءُ اہمیت اس اختیار کرینے۔ انتئے کہ داڑا دنیا نا خنک داخاطران خلوک ءُ کہ ہرا اقوام متحدہ ءِ مظلوم تا دادرسی و ظالم نا احتساب کن جوڑ کننگا او تینا ہی پاس کروک قرارداد آتیا ہراوڑ عملدرآمد کرفنگ کن پبی گام گیج کیک۔ وزیراعظم دا وخت آ جہانی لیڈر شپ اتون اوڑدہی کیک۔ صدر ٹرمپ ثالثی نا کڑد ءِ ادا کننگ نا پیش کش کریسس اودے گچین کڑد ادا کننگ کن قائل کننگک، اسہ سوج اسے نا ورندی ٹی اوپارے کہ حکومت پاکستان نا پیدوار موقف ءِ کہ ہراوخت اسکان بھارت کشمیر آن کرفیو ءِ چٹفپک ہمووخت اسکان مودی تون مذاکرات مننگ کپک۔