مزن وزیر ءِ ھاسیں کمکار برائے شنگ کاری ڈاکٹر فردوس عاشق اعوان ءِ کشمیری آنی گوما یکوئی ءِ واستہ وزارت ءِ اھوالکاری ءُُ شنگ کاری ءِ چیر دستی ءَ ریلی ءَ گوں گشتانک

اسلام آباد ۔ 20 ستمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مات، گوھار ءُُ ورنا ءُُ بزرگ آنی دعا ءُُ نیک ءَ زوت آ روچ کئیت وھد ءِ کشمیر ءَ ظلم ھلاس بیت، لگت مالی ظلم ءُُ آسروکی ملیامیٹ بیت ءُُ کشمیر آزات بیت، کشمیری الس ھاسیں رنگ ءَ زالبول وتی جزم ، صبر ءُُ ھون ءَ چہ کشمیر ءِ کسہ ءَ نبشتہ کنگ ءَ انت، وزارت ءِ اھوالکاری ءُُ ایشی ءِ چیر دستیں ادارگ ءُُ میڈیا ءِ جتا جتائیں شوبگ آں گوں سیادی داروکیں شوبگ آنی زالبول مرچی پشدری ندارگ ءِ کرد ءِ بن گپ ءِ رد ءَ دگ ءُ سڑک آنی سر ءَ کشمیری زالبول آں گوں یکوئی ءِ درشان ءِ واستہ مچ اَنت ، مزن وزیر عمران خان ھم وتی اقوام متحدہ ءِ تر ءُُ تاب ءِ ساھت ءَ جنرل اسمبلی ءَ کشمیری آنی گوانک ءَ سر کنت ۔ اے ھیالانی درشانی آئی ءَ مقبوضہ کشمیر ءِ الس ءِ گوما یکوئی ءِ درشان ءِ ساھت ءَ کت ۔ اے موہ ءِ سر ءَ بنجاھی اھوالکاری سیکرٹری اھوالکاری زاہدہ پروین، مزن وزیر ءِ پریس سیکرٹری شاہیرہ شاہد، پرنسپل انفارمیشن آفیسر طاہر خوشنود ءُُ ایندگر کلانہ ایں اپسرگ اے موہ ءِ سر ءَ ساڑی اتنت ۔ ریلی ءِ بنگیج پریس انفارمیشن ڈیپارٹمنٹ ءِ نیمگ ءَ کنگ بوت ایشی ءِ تہ ءَ وزارت ءِ اھوالکاری ءُُ شنگ کاری ءُُ ایشی ءِ جھلی ادارگ آنی تہ ءَ کار کنوکیں زالبول آنی گوما مردین آدیم ھم شریک اتنت ۔