جدہ ۔ 20 ستمبر (اے پی پی) مزن وزیر عمران خان ءَ مقبوضہ جموں کشمیر ءَ کرفیو ءُُ بندش آنی زوت ھلاسی، کشمیری آنی آزاتی ءُُ وت مستری ءِ شرپ ءَ را دل یکیمی کنگ ءُُ اقوام ءِ متحدہ ءِ سلامتی کونسل ءِ منوگری ءِ رد ءَ جموں کشمیر ءِ جیڈھ ءِ گیواری ءِ ضلورت ءِ سر ءَ زور پر داتگ ۔ آئی ءَ اے ھیالانی درشانی سعودی عرب ءِ …
مزن وزیر عمران خان ءِ سعودی سروک آں گوں گند ءُُ نند
گیشتریں ھال
جدہ ۔ 20 ستمبر (اے پی پی) مزن وزیر عمران خان ءَ مقبوضہ جموں کشمیر ءَ کرفیو ءُُ بندش آنی زوت ھلاسی، کشمیری آنی آزاتی ءُُ وت مستری ءِ شرپ ءَ را دل یکیمی کنگ ءُُ اقوام ءِ متحدہ ءِ سلامتی کونسل ءِ منوگری ءِ رد ءَ جموں کشمیر ءِ جیڈھ ءِ گیواری ءِ ضلورت ءِ سر ءَ زور پر داتگ ۔ آئی ءَ اے ھیالانی درشانی سعودی عرب ءِ تر ءُُ تاب ءِ ساھت ءَ سعودی سروک آں گوں گند ءُُ نند ءِ ساھت ءَ کت ۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ سعودی عرب ءِ تر ءُُ تاب ءِ ساھت ءَ سعودی سروک آنی گوما ارزشتی ایں کار آنی سر ءَ ھیال ریچی کت ۔ مزن وزیر ءَ سعودی ولی عہد، نائب مزن وزیر و وزیردفاع شہزادہ محمد بن سلمان ءُُ خادم الحرمین الشریفین شاہ سلمان بن عبدالعزیز السعود ءَ گوں جتا جتائیں گند ءُُ نند کت ۔ مزن وزیر ءِ ھمبراھی ءَ مزن تکی ڈل سعودی عرب ءِ تر ءُُ تاب ءَ کنگ ءَ ات، مزن وزیر ءِ ڈل ءَ وزیر ءِ درئی کار شاہ محمود قریشی، مزن وزیر ءِ مشیر برائے ھزانگ ڈاکٹر عبدالحفیظ شیخ، مزن وزیر ءِ ھاسیں کمکار برائے زرّ ءَ آدیم پاکستانی سید ذوالفقارعباس بخاری ءُُ کلانہ ایں کارندہ ھم ھوار اتنت ۔
