صدر مملکت ڈاکٹر عارف علوی ءِ جاپانی کمپنی موری ناگا ءِ صدر ءِ گوما گند ءُُ نند

اسلام آباد۔ 19 ستمبر (اے پی پی) صدر مملکت ڈاکٹر عارف علوی ءَ گوشت کہ پاکستان ءِ تہ باز سرمایہ کاردوست پالیسی زرتگ ات وھدیکہ بیئپاری ءِ تہ آسانی ءِ ھوالہ چہ ھم گہترکاری کنگ بوھگ انت۔آہاں اے گپ موری ناگا ملک انڈسٹری کمپنی جاپان ءِ صدر میچیو میاں ہارا ءِ گوما گپ ءُُ تران کنان ءَ کتگ ات۔آئی ءَ پنچ شمبے ءَ ادا آئی ءَ گوں گند ءُُ نند کتگ۔ صدر ءَ ھندیءُُ دمگی منڈیانی وردنی ضلورت ءَ را پیلو کنگ ءِ ھاترا آئی سی آئی پاکستان ءِ کمک ءَ گوں مینوفیکچرنگ پلانٹ ءِ ہڈ دیگ ءِ ھاترا 5.1ارب کلدارءِ سرمایہ کاری ءِ سراموری ناگا جاپان ءَ را ساڑاتگ۔آہاں گوشت کہ پاکستان ءِ تہ اے زرکاری ءَ چہ دگہ جاپانی کمپنی ءَ را ھم رغبت رسیت۔آہاں گوشت کہ پاکستان ءِ تہ زرکاری پالیسی ڈائریکٹ درملکی زرکاری ءَ را دلگوش کنگ ءِ ھاترا مچ کوکا پھجارگ ءِ ھاترا پدر کنگ بوتگ۔اے وھد ءَ موری ناگا کے چین، جرمنی، ہالینڈ، انڈونیشیا ءُُ امریکا ءِ تہ لہتیں یکجاھیں منصوبگ ءُُ جہلی ادارگ ساڑی انت۔