صدر مملکت ڈاکٹر عارف علوی ءِ 19 می آئی ٹی سی این ءِ کانفرنس ءَ گوں تران

کراچی۔ 19 ستمبر (اے پی پی) صدر مملکت ڈاکٹر عارف علویءَ گوشت کہ انفارمیشن ٹیکنالوجی ءِ استیں دور ءِ تہ پٹ ءُُ پولکاری ءُُ تجربگ ءَ چہ علم ءُُ زانت ءِ پڑ ءَ دیما روگ بیت، انفارمیشن ٹیکنالوجی ءِ تک ءِ تہ سرمایہ کاری وھد ءِ ھاسیں ضلورت انت، ورناہیں پدریچءَ را نوکیں دور ءِ راھبندءَ گوں سمبرینگ بیت،آہاں اے گپ پنچ شمبے ءَ ادا 19می آئی ٹی سی این کانفرنس ءَ گوں تران کنان ءَ گوشتگ انت۔ صدر مملکت ءَ گوشت کہ مروچیگیں دور انفارمیشن ٹیکنالوجی ءِ دور انت، انفارمیشن ٹیکنالوجی ءِ تک ءِ تہ زرکاری وھد ءِ ھاسیں ضلورت انت۔آہاں گوشت کہ پٹ ءُُ پول ءُُ تجربگءَ چہ علم ءُُ زانت ءِ پڑ ءَ دیمروئی ءِ منزل ءَ سر کنگ بنت۔ورناھیں پدریچ ءَ را استیں وھد ءِ نوکتریں راھبنداں گوں ہمگرنچ کنگ الم انت تنکہ آں دگنیا ءِ پج ءَ اوشت کن انت ءُُ ملک ءُُ راج ءِ دیمروئی ءِ تہ وتی کرد ءَ ادا کت کن انت۔ صدر ڈاکٹر عارف علویءَ گوشت کہ استیں حکومت ملکی معاشی گہبودی ءِ ھاترا زرکاردوستءِ پالیسیاں را پراھی ءَ دیگ انت ءُُ بیئپاری موہ ءِ تہ آسانی ءَ ودی کنگ ءِ ھاترا گہترکاری ءِ سرا پدگر انت۔آہاں اے گپءِ سرا زورمان کتگ کہ بیئپاری موہ ءِ تہ آسانی ءِ تہ نوکتریں ٹیکنالوجی ءِ کارمرزی باز کمکارپدر بوت کنت۔ صدرءَ گوشت کہ آرٹیفیشل زانت ءِ سافٹ ویئر چہ ناشرکاری ءِ ھوار دگہ جرمانی کساس ءِ سرا گرودار ءِ تہ کمک رسیت۔