پشاور۔18ستمبر(اے پی پی) مزن وزیر عمران خان ءَ پاک اوگان بارڈرطورخم ءِ سرا 24کلاک کراسنگ ٹرمینل ءِ بنداتی کتگ۔ایشی ءَ چہ پاکستان ءُُ اوگانستان ءِ میان ءَ بیئپارءَ ودکی بوت۔مزن وزیر عمران خان ءَ طورخم بارڈرءِ سرا 16ارب کلدارءِ ھرچ ءَ گوں سرجم بیوکین انٹی گریٹڈ ٹرانزٹ ٹریڈ منیجمنٹ سسٹم ءِ چار شمبے ءَ تچکیءَ بنداتی کنگ ءِ ھاترا فیتہ کاٹ کتگ، ایشی ءَ چہ امیگریشن ءِ آسراتی ءَ آسانی بیت،ایشی ءِ ابید ایشی چہ بیئپاری کارانی تہ ھم ودکی کائیت۔مزن وزیر عمران خان ءِ ہیلی کاپٹر ءِ سراگورنر خیبرپختونخوا شاہ فرمان، وزیراعلی محمود خان ءُُ خیبر پختونخوا حکومت ءِ دگہ مزن تکے واکدار اں وش اتک کتگ۔اے درگت ءَ مزن وزیر عمران خان ءَ را انٹی گریٹڈ ٹرانزٹ ٹریڈ منیجمنٹ سسٹم ءِ باروا ھاسیں ٹریننگ ھم دیگ بوتگ۔دری کارانی وزیر شاہ محمود قریشی،مزن وزیر ءِ صلاحکار برائے اسٹیبلشمنٹ ارباب شہزاد ھم ہمبراہ اتنت۔ پاک افغان بارڈر طورخم ءِ سرا 24 کلاک سروس ءِ پھجارگ ءِ ھاترا مزن وزیر ءِ نیمگا چہ کراسنگ ٹرمینلءِ بنداتی پی ٹی آئی ءِ حکومت ءِ پیسلہ انت ہمہ کہ دوئیں ملکانی میان ءَ دودیمی بیئپارءَ را یک نوکیں برزی ءَ برگ ءِ ھوار معاشی،صنعتیءُُ زرعی دیمروئی ءَ را ترند جوڈ کنگ ءِ تہ کمکار پدر بیت۔پاک اوگان کر اسنگ پو ائنٹ ءِ سبب ءَ ہزاراں مردمانی ھاترا روزگار ءِ بے کساس موہ ودی بنت ھاسکر ٹرانسپورٹ سیکٹر ءَ را ایشی چہ باز نپ رسیت۔طورخم بارڈر ٹر مینلءَ چہ دوئیں ملکانی میان ءَ صنعتانی،کسانیں ءُُ مزنیں بیئپار،سرمایہ کاری ءُُ بیئپارءَ را پراھی رسیت۔ اے وڈ ءَ کراسنگ ٹرمینل ءَ چہ مزنیں کساس ءَ اوگانی نادراھ ءَ را ھم پائدگ بیت،ہمہ راج دپتری بارڈرءَ چہ آسانی ءَ گوں پاکستان ءِ کجام نادراھ جاء ءِ تہ شریں علاج ءِ ھاترا اتک کن انت۔فیڈرل بورڈ آف ریونیو (ایف بی آر)ءُُ پاکستان کسٹمز ءَ طورخم بارڈر ٹر مینل سرا ساڑی مردمانی،بیئپارانی ءُُ سامان ءِ سفری کاگدانی ترندیں کلیئرنس ءِ ھاترا ٹرمینل ءِ سرا وتی عملہ ءِ تہ ودکی کتگ انت۔اے ھاسیں پیسلہ ءَ چہ دوئیں ملکانی تہ لائیو اسٹاک،تعمیراتی،صنعت،ٹرانسپورٹ،زرکاری،بیئپار ءُُ بیئپاری کارانی ھوار دراھیں مزنیں معاشی ءُُ اقتصادی تک ءِ تہ باز ودکی کائیت۔
