اسلام آباد۔ 18 ستمبر (اے پی پی)مزن وزیر عمران خان ءَ زوربرتگیں کشمیر ءِ تہ بھارت ءِ درکانودی ءُُ یک نیمگی گاماں چہ ودی بوتگیں نگیں جاورھال ءَ را دیما کنان ءَ گوشت کہ میاں اوستمانی براھندگی بھارت ءِ سرا میاں اوستمانی انسانی حقانی معاہدہءِ ردا وتی زمہ واری ءَ سرجم کنگ ءِ ھاترا زورءَ دات۔آہاں اے گپ سویڈن ءِ مزن وزیر اسٹیفن لوف وِن ءِ گوما ٹیلی فون ءِ سرا گپ ءُُ تران کنان ءَ کتگ ات۔مزن وزیر ءَ زوربرتگیں کشمیر ءِ متنازرعہ ارزشت ءُُ آبادیاتی ہیئت بدل کنگ ءِ ھاترا بھارت ءِ نیمگا چہ 5اگست ءِ درکانودی ءُُ یک نیمگی گاماں ءَ را دیما آرتگ۔آہاں اے گپ ءِ سرا زور مان کتگ کہ اے گام اقوام متحدہ ءِ سلامتی کونسل ءِ منگ نامہ ءُُ میاں اوستمانی کانود ءِ پادمالی انت۔انسانی حقانی سکیں پادمالی ءِ جاورھال ءَ را اجاگر کنان ءَ مزن وزیر ءَ زوربرتگیں کشمیر ءِ تہ45روچءَ چہ جاڑی لاک ڈاون ءُُ کرفیو ءَ را زوت ھلاس کنگ،آھگ ءُُ روگ ءِ بندش ھلاس کنگ،انسانی ہمدردی ءِ گلاں را اودا سر بوھگ ءُُ کشمیری مہلوک ءِ ھقانی ءُُ آجوئی ءِ احترام ءِ سرا زور مان کتگ۔مزن وزیر ءَ گوشت کہ میاں اوستمانی براھندگی بھارت ءِ سرا زور ءَ مان کن ایت کہ آں میاں اوستمانی حقانی جاورھال ءِ سرا تکانسری ءِ درشان کنان ءَ نگیگیں جاورھال ءِ تہ کمی ءُُ گپ ءُُ تران ءِ وسیلگ ءَ حل ءِ ارزشت ءَ را اجاگر کتگ۔دوئیں راھشون ءَ دمگ ءِ تہ امن ءُُ گہبودی ءِ ھاترا ھواری ءَ کار کنگ ءُُ رھوت ءِ کنگ سرا تپاک کتگ۔
