بنجاھی وزیر برائے زرّئی کار علی زیدی ءِ مزن وزیر ءِ مشیر برائے تجارت عبدالرزاق داؤد ءِ ھمبراھی ءَ پریش کانفرنس ءَ گوں گشتانک

اسلام آباد۔ 18 ستمبر (اے پی پی) بنجاھی وزیر زرّئی کار علی زیدی ءَ نوکی شپنگ پالیسی ءِ جار ءَ جنان ءَ گوشت کہ 2030ءَ تاں شپنگ ءِ شوبگ ءَ ھم ھرچ کمپنی جہاز رجسٹرڈ کنگ بوتگ ایشی ءَ را سیلز ٹیکس، انکم ٹیکس ءُُ کسٹم ڈیوٹی ءَ چہ شید ءُُ بید نامینگ بیت، معیشت ءِ برجائی استیں حکومت ءِ اولی ترجی انت، انچیں گامگیج کنگ بوتگ کہ ایشی ءِ چیر دستی ءَ شپنگ سیکٹر ءِ گہتری ءَ کرد ءَ پیلو بکن اَنت، شپنگ سیکٹر ءَ را اولی رند ءَ سٹریٹجک انڈسٹری ءِ درجگ دیگ بوتگ، نوکیں پالیسی ءِ چیر دستی ءَ فریٹ ءِ ادائیگی ڈالر ءِ مٹ ءَ کلدار ءِ تہ ءَ کنگ بیت، پاکستان نیشنل شپنگ کارپوریشن ایل این جی ءِ واستہ پرائیویٹ سیکٹر ءِ گوما جوائنٹ ویچر کنت انت، گوستگیں 10سال ءَ چہ پی این ایس سیت ئی ادارگ ءِ بوھگ ءَ انت۔ اے ھیالانی درشانی آئی ءَ چار شمبے ءِ روچ ءَ مزن وزیر ءِ مشیر برائے تجارت عبدالرزاق داؤد ءِ ھمبراھی ءَ پریس کانفرنس ءَ گوں گشتانک دیان ءَ کت۔