80 لکھ کشمیری اے وھد ءَ یک ٹوھیں کبرے ءِ تہ ءَ انت، مارا زوت یک پیسلہ ءِ کنگ بیت، سینیٹر سراج الحق

اسلام آباد۔ 18 ستمبر (اے پی پی) امیر جماعت اسلامی سینیٹر سراج الحق ءَ گوشت کہ دگنیا ءَ اگاں یک جنت ءِ است آ گڈا کشمیر انت، 80لکھ کشمیری اے وھد ءَ یک ٹوھیں کبرے ءِ تہا انت، مئے کرا وھد سک باز کم انت زوت یک پیسلہ ءِ کنگ لوٹ ایت، چار شمبے ءَ ادا کشمیر ءِ ھوالگ ءَ پارلیمنٹیرین کانفرنس ءَ گوں گشتانک دیان ءَ آئی ءَ گوشت کہ 80لکھ کشمیری اے وھد ءَ ٹوھیں کبرے ءِ تہا انت، مئے کرا وھد سک باز کم انت ءُُ مارا زوت پیسلہ کنگ لوٹ ایت۔ مارا اللہ پاک ءِ سر ءَ یکیم کنان ءَ وت دیم ءَ جنزگی انت۔ آئی ءَ گوشت کہ کشمیری آں وتی لانچ بُن داتگ اَنت شما وتی لانچ آنی بُن دیگ ءَ تیار ات یا ناں، جہاد کشمیر کامیات نہ بوت گڈا آپ ءِ یک پٹ ءِ نہ رس ایت، آزات کشمیر اسمبلی ءَ را سرجمیں کشمیر ءِ اسمبلی ڈکلیئر کنان ءَ ایشی ءِ دیوان نیویارک ءَ گوانک جنگ لوٹ ایت ءُُ مزن وزیر آزات کشمیر راجہ فاروق حیدر ءَ را سرجمیں کشمیر ءِ مزن وزیر ڈیکلئر کنگ بہ بیت۔ آئی ءَ گوشت کہ حکومت ترکی، سعودی عرب ءُُ ایران ءِ نیام ءَ کشاں چیل ءَ را ھلاس کنگ ءِ جہد ءَ بکنت۔