وزیر خارجہ شاہ محمود قریشی نا قومی کشمیر کانفرنس آن تران

اسلام آباد۔ 18 ستمبر (اے پی پی) وزیر خارجہ شاہ محمود قریشی پارینے کہ چیئرمین سینیٹ نا کنڈآن کانفرنس نا اڈتننگ اہم ءُ گام گیج اسے، داڑان الس نا گچین مروک آ نمائندہ غاتا کشمیر نا ویل آ یکسوئی و یکجہتی نا کلہو کاہک، پاکستانی قوم کشمیر نا ویل آ اسٹ ءُ۔ چارشنبے نادے آ قومی پارلیمنٹرین کانفرنس آن تران کرسا اوپارے کہ وزیراعظم آزاد کشمیر نا جوزہ غاتا احساس ارے۔ مقبوضہ کشمیر اٹی 45دے آن پدریسہ دے و نن نا کرفیو برجاءِ۔ وزیر خارجہ پارے کہ وزیراعظم آزاد کشمیر نا پاننگ درست ءِ کہ کشمیر نا ویل ڈغار نا ٹکر اسے نا ویل اف۔ دنیا خن تے اسہ کنڈ کننگ کیک قوم انا فیصلہ ءِ کہ پاکستان کشمیری تتون خن تے اسہ کنڈ کپک۔ وزیراعظم اقوام متحدہ ٹی کشمیری تا مقدمہ ءِ کننگ کن ہِننگ ءِ۔ وزیراعظم کشمیری تا جوزہ غاتے مجروح کپک۔ اوپارے کہ مچ آ جہانی میڈیا بھارت نا اصلی دروشم ءِ پاش کننگ ءِ۔ کشمیر نا ویل اکن یکجہتی بھاز المی ءِ۔ فلسطین نا ویل او آئی سی ءِ ودی کرے۔ وزیر خارجہ پارے کہ امریکی سفارت خانہ تل ابیب آن مقبوضہ بیت المقدس گدریفنگ نا پڑو آ او آئی سی آن اخس توار بش مس۔ او آئی سی ملک آتا تین پہ تینی سوچ اٹی اسہ خلیج اس خننگک۔ او آئی سی نا امنائی اعلامیہ ءِ کہ مقبوضہ کشمیر آن کرفیو ءِ ہرفنگے۔ چٹکی خلنگ آن کشمیر نا ویل ایسر مننگ کپک، 72سال آن ایسر مننگ کتو۔ اینو پاکستان نا سرکڑدہ ہی ٹی ہچ ءُ لچک اس اف۔ اوپارے کہ وزیراعظم عمران خان پاکستان نا فائدہ غاتا سوداءِ کپک۔ مچ آ پاکستان سیاست آن ایڑتر مرسا کشمیری تتون سلوک ءِ۔ پاکستان و کشمیری بھارت نا گام گیج آتے مسترد کرینو، اینو بھارت بشخنگوک ءِ۔ اوپارے کہ ای چناس افٹ و نئے غافل اُٹ۔ مودی ٹی جیرت ارے تو مقبوضہ کشمیر آن کرفیو ءِ ہرفسا سری نگر اٹی کشمیری تتون تران کے۔ السی ریفرنڈم آن فیصلہ مننگ کیک ولے مودی ٹی جیرت اف۔ اسیجا ئی دیوان آن پد کشمیر نا ویل انا بابت دا اہم گام گیج ءِ تانکہ دنیا ءِ کلہو ملے پاکستان نا پارلیمان دا ویل آ یکسو و یک زبان ءُ۔ داڈغار اسے نا ٹکر نا ویل اف 5اگست نا واقعہ گڑتی ٹی ودکی کرینے۔ وزیراعظم پاکستان عمران خان 27 تاریخ آ اقوام متحدہ ٹی کشمیر نا ویل ءِ پبی وڑاٹ تالان کیک۔ وزیر خارجہ شاہ محمود قریشی پارے کہ 54سال آن پد کشمیر نا ویل ءِ سلامتی کونسل نا ایجنڈا ٹی ہرفنگاہرانا سہرا وزیراعظم پاکستان نا کاٹم آٹے۔ پاکستان نا کشمیر نا ویل آ اصولی موقف ءِ۔ کشمیر نا ویل ءِ اقوام متحدہ نا قرارداد آتارداٹ ایسر کرفنگ کن آخیریکو حد اسکان کانہ۔ اقوام متحدہ کشمیر نا ویل انا بابت بے شمار قرارداد پاس کرینے ہرا ویل انا اسٹ انگا ایسری ءِ۔اوپارے کہ مچ آ دنیا ٹی کشمیر نا ویل ءِ اولیت تننگ انگ ءِ، جنیوا کنونشن اٹی اسہ ملک اس ہم بھارتی موقف نا مخ تفی ءِ کتو۔ مچ آ دنیانا میڈیا کشمیر نا ویل ءِ تالان کرسا بھارت نامکروہ دروشم ءِ الس ءِ نشان تننگ ءُ۔ وزیراعظم پاکستان کشمیری تتون یکجہتی نا درشانی کن مظفرآباد اٹی سرسہب جلسہ اس کرے و دنیا ءِ بھارت نا مکروہ دروشم ءِ نشان تس۔ کشمیر نا ویل آ 6اگست آ اوآئی سی نا ہلہلئی دیوان اس بٹنگسا بھارتی پڑو ءِ مسترد کننگا۔ راستکی تے مون آ تخسا کشمیر نا ویل انا بابت حکمت عملی اس اختیار کروئی مریک۔ پاکستان کشمیری تتون ہم کوپہ سلوک ءِ۔ حریت راہشون آتے بندی کننگ انگ ءِ۔ وزیر خارجہ شاہ محمود قریشی پارے کہ بھارت کشمیر نا ویل انا بابت بشخنگانے۔ بھارتی سپریم کورٹ آ بے پناہ زور ءِ۔ اوپارے کہ سپریم کورٹ ءِ تینا تاریخی پلو ءِ مون آ تخوئی مریک۔ بھارتی سپریم کورٹ بھارت نا اپوزیشن جماعت آتے سری نگر ہِننگ آن توننگ نا مخالفت ءِ کرے۔ وزیر خارجہ پارے کہ مودی اگہ نے اخلاقی جیرت ارے تو وزیراعظم پاکستان آنبار سری نگر اٹی جلسہ کر نشان ایت۔