ڈٹ انا بنانا دود اٹی بنجائی کابینہ نا باسک آک، چین نا سفیر و ایلو بڑزکو کمامدارآتا شرکت
اسلام آباد۔ 18 ستمبر (اے پی پی) وزیراعظم عمران خان مست آن تیار مروک آ اُراتا تفنگ نا ڈٹ انا بنداو ءِ تخا نے۔ دا چرجوئی ٹی چارشنبے نادے آ داڑے ایزی فیبریکیٹڈ ہومز پرائیویٹ لمیٹڈ ڈٹ انا بنانا دود اس اڈ ہلک ہراٹی بنجائی کابینہ نا باسک آک، پاکستان اٹی چین نا سفیر یاؤجنگ و ایلو بڑزکو کمامدارآک ہم ساڑی ئسر۔ دا پلانٹ پنی آ چینی کمپنی ہنان ڈی آرکنسٹرکشن پڑک ایم تھری خصوصی اقتصادی زون اٹی جوڑ کننگ ءِ۔ داڑے دا ہیت ذکر انا قابل ءِ کہ وزیراعظم عمران خان نا ساڑی آ دورہ بیجنگ اٹی ہنان ڈی آرکنسٹرکشن پڑک نا بڑزکو عہدیدار آتون اونا اوڑدہی ٹی پڑک برآمد و ہندی طلب ءِ پورو کننگ کن پاکستان اٹی پری فیبریکیٹڈ اُراتا تیاری کن زرکاری کننگ و ٹیکنالوجی ءِ گدریفنگ نا فیصلہ کرینے۔
