وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد۔ 18 ستمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا کماشی ٹی پاکستان تحریک انصاف نا حکومت آزادی اظہار رائے نا بنداوی، آئینی و جمہوری حق آ پورو یخین تخک، میڈیا ریاست نا چارمیکو تمبہ ءِ، دانا آجوئی وتوار ءِ پین واکدار کننگ کن پرعزم ءِ، میڈیا ٹریبونلز نئے بیرہ کیس آتیا فیصلہ کیک بلکن پیمرا و ایلو عدالت آتے ٹی زیر سماعت مقدمہ غاتے ہم ہندا ٹریبونلز آتے گدریفنگک، دا ٹریبونلز پوسکن آ و زیر التواء مقدمہ غاتا 90 دے اٹی فیصلہ ءِ کیک۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ پیمرا نا احتسابی عمل ءِ تنقید نا نشانہ کننگاکہ کہ اودے حکومت کنٹرول کیک، داسہ خصوصی میڈیا ٹریبونلز اس جوڑ کننگ والااُن تانکہ مقدمہ غاتا زوت فیصلہ مننگ کے، دا ٹریبونلز بڑزکو عدلیہ نا زیر سرپرستی کاریم کیک، خصوصی ٹریبونلز میڈیا ورکرآتا ویل آتا ایسری و اوفتے دمدستی انصاف نا فراوانی ٹی ہم مزل نا نشان مریک۔ ڈاکٹر فردوس عاشق اعوان پارے کہ دا مچ آ عمل دنیا ٹی رائج کانود و بڑزکو جمہوری قدر انا حقی ڈیک مریک، میڈیا نا زموارانہ کڑد ہی اونا اصل طاقت ءِ۔