اسلام آباد۔ 18 ستمبر (اے پی پی) چیئرمین سینیٹ صادق سنجرانی پارینے کہ کشمیر نا ویل دنیا نا اہم انگا ویل جوڑ مسنے، پاکستان کشمیری تا رکھ راجی آسراتی و جہد آجوئی ٹی اوفتے تون سلوک ئس و آخیری دم اسکان سلک۔ مقبوضہ کشمیر اٹی انسانی حق آتا لتاڑنگ، کشت وخون، ظلم و بربریت ءِ توننگ کن انسانی حق انا تنظیم اوآئی سی، اقوام متحدہ نا سیکورٹی کونسل و ایلو ادارہ غاک کڑد ادا کیر۔ داخیال آتا درشانی ءِ او چارشنبے نادے آ سینیٹ نا کنڈآن قومی پارلیمانی کشمیر کانفرنس آن تران کرسا کرے۔ اوکانفرنس اٹی بشخ ہلوک آتے بخیر اٹ پارسا پارے کہ کشمیر نا ویل دنیا نا اہم انگا ویل مسنے، کنٹرول لین نا ہڑتوم آ پلو آتیا رہینگوک آ کشمیری تتون یکجہتی نا درشانی ءِ کننگ کن کانفرنس اڈتننگانے۔ اوپارے کہ کشمیری تا تحریک آجوئی نا شرف ءِ کینہ۔ بھارتی فوج 44دے آن کودک کشمیری تیا عرصہ حیات ءِ تنک کرینے۔ مقبوضہ کشمیر اٹی رہینگوک آ خلقت کن دوائی و ایلو زند انا گرج انا گڑاتا ترندی اٹ کمتی مننگ ءِ۔ چیئرمین سینیٹ پارے کہ اقوام عالم دا انسانیت سوز ویل ءِ دمدستی وڑاٹ ایسر کرفے۔ مقبوضہ کشمیر اٹی انسانی تنکی ودی کننگ انگ ءِ داویل ءِ اول سرآن متحرک کننگ نا سخت گرج ءِ۔ چیئرمین سینیٹ پارے کہ پاکستان کشمیری تا رکھ راجی آسراتی و جہد آجوئی ٹی اوفتے تون سلوک ئس و آخیریکو دم اسکان سلک۔ اوپارے کہ مقبوضہ کشمیر اٹی انسانی حق آتا لتاڑنگ، کشت وخون، ظلم و بربریت ءِ توننگ کن انسانی حق انا تنظیم او آئی سی، اقوام متحدہ نا سیکورٹی کونسل و ایلو ادارہ غاک کڑد ادا کیر۔ کانفرنس بھارتی حکومت ءِ پیدوار کلہو ایتک کہ مقبوضہ کشمیر اٹی انسانی حق آتا لتاڑنگ و نسل کشی ءِ دمدستی وڑاٹ بند کے۔ پاکستان نا ہر بندغ کشمیری تا آجوئی کن مجاہد ثابت مریک۔
