چیئرمین سینیٹ صادق سنجرانی نا میزبانی ٹی قومی پارلیمانی کشمیر کانفرنس بناکرے

اسلام آباد۔ 18 ستمبر (اے پی پی) سینیٹ آف پاکستان نا کنڈآن قومی پارلیمانی کشمیر کانفرنس نا چارشنبے نادے آ کنونشن سینٹر اٹی بناکرے۔ کانفرنس نا بناتلاوت قرآن پاک، ہدیہ نعت و قومی ترانہ غان مس۔ چیئرمین سینیٹ صادق سنجرانی کشمیر کانفرنس نا میزبانی ءِ کننگ ءِ۔ کانفرنس اٹی بنجائی وزیر آتے ٹی خسروبختیار، علی محمد خان، زبیدہ جلال، محمد اعظم سواتی، سینیٹ اٹی قائد ایوان شبلی فراز، چیئرمین کشمیر کمیٹی فخر امام، وزیراعظم آزاد جموں و کشمیر راجہ فاروق حیدر خان، سینیٹر فیصل جاوید، سینیٹر میر کبیر احمد محمد شہی، سینیٹر فدا محمد، وزیراعلیٰ بلوچستان جام کمال، امیر جماعت اسلامی سراج الحق، سینیٹر زبیر بیرسٹر محمد علی سیف، نصیب اللہ بازئی، سجاد حسین طوری، ڈاکٹر وسیم سجاد، ستارہ ایاز، انورلال دین، میاں عتیق شیخ، انجینئر ڈاکٹر رخسانہ زبیری، بریگیڈیئر (ر) جان کنتھ ویلمز، سیمی ایزدی، سلیم ضیاء، ڈاکٹر اشوک کمار تون اوار پارلیمنٹ نا باسک آتا وزیر آتا بھلو کچ اس کانفرنس اٹی ساڑی ءُ۔