اسلام آباد۔ 17 ستمبر (اے پی پی) صدر مملکت ڈاکٹر عارف علویءَ گوشت کہ نشہ ءِ کارمرزی چہ نہ ایوکا مردم جند بلکہ ھاندان ءِ سرا سکیں اثرکپگ انت۔مردماں را نشہ چہ رکھگ ءِ گہتریں طریقہ ایشی ءِ شپوکی ءَ دارگ انت، حکومت نشہ ءِ گرودارءِ ھاترا انقلابی گاماں چست کنگ انت۔آہاں اے ھیالانی درشان مصنوعی ذہانت ءِ ھندی وڈ ءَ تیار کتگیں منصوبگ ”امان“ ءِ بنداتی مراگش ءَ گوں گشتانک کنان ءَ کتگ ات۔ صدر مملکت ءَ گوشت کہ دگنیا ءِ تہ نشہ ءِ ردیں قسم جوڈ کنگ بوھگ انت ءُُ اے لعنت چہ بیرانیانی تہ ودکی بوھگ انت،اے ھاترا ایشی ءِ گرودار الم انت۔آہاں گوشت کہ نشہ ءِ ہیل ءِ مردم دگہ ردیں کاراں ھوار بوھگ انت ایشاں چہ دُزی لس انت۔ایشی چہ نہ ایوکا یک مردمے بلکہ دراھیں ھاندان متاثر بوھگا انت۔آہاں گوشت کہ مردماں را نشہ چہ رکھگ ءِ گہتریں وڈ نشہ ءِ شپوکی دارگ انت،اے وشیں گپ انت کہ حکومت نشہ ءِ گرودارءِ ھاترا آشوبی ءِ گاماں چست کنگ انت۔مراگش چہ سیفران ءِ وزیر مملکت ءُُ انسداد نشہ شہریار خان آفریدی ءَ ھم تران کتگءُُ ”امان“ منصوبگ ءِ باروا سرپد کتگ۔
