مزن وزیر عمران خان ءِ گوما چینی سفیر یاؤ جنگ ءِ گند ءُُ نند

پاک۔چین اقتصادی راہداریءَ را اولی دلگوشی دیگ بوھگا انت،مزن وزیر عمران خان ءِ گپ ءُُ تران
اسلام آباد۔ 17 ستمبر (اے پی پی) مزن وزیر عمران خان ءَ چین ءِ گوما سدابہارءِ کمک ءَ را گیش مھکم کنگ ءِ ھاترا پاکستان ءِ جزم ءِ اعادہ کنان ءَ اے گپے سرا زور مان کتگ کہ پاک۔چین اقتصادی راہداری ءَ را اولی دلگوشی دیگ بوھگا انت۔اے گپ آہاں پاکستان ءِ تہ داشتگیں چین ءِ سفیر یاؤ جنگ ءِ گوما گپ ءُُ تران کنان ءَ کتگ ات۔آہاں سئے شمبے ءَ ادا آئی ءَ گوں گند ءُُ نند کتگ۔ چینی سفیر ءَ مزن وزیر ءَ را آوکیں بوتن روچ ءِ سرا صدر شی جن پنگ ءِ نیمگا چہ نیکیں واھشتانی کلوھ سر کتگ۔ چینی صدر ءِ کلوھ ءِ تہ پاکستان ءُُ چین ءِ میان ءَ کوھنیں دوستی ءَ را کوھ ءِ وڈ سوگو قرار دیان ءَ نوکیں دور ءِ تہ یکجاھیں باندات ءِ حامل نزیکیں پاک۔چین براتری ءَ را مھکم جوڈ کنگ ءِ جزم ءِ درشان کتگ۔مزن وزیر ءَ چینی صدر ءِ منت گپتگ انت۔مزن وزیر عمران خان ءَ سی پیک ءِ ردا جاڑی منصوبگانی سرجمی ءِ ھاترا پاکستان ءِ جزم ءِ ستا کتگ ہمہ کہ پاکستان ءِ دیمروئی ءُُ وشھالی ءِ تہ باز گیش کمکار انت۔