مزن وزیر عمران خان ءِ ھزانگ،منصوبگ بندی،بیئپارڈویژنانی ءُُ سرمایہ کاری بورڈ ءَ را پنت ءُُ شون

اسلام آباد۔ 17 ستمبر (اے پی پی)مزن وزیر عمران خان ءَ ھزانگ،منصوبگ بندی،بیئپار ءِ ڈویژن ءُُ زرکاری بورڈ ءَ را پنت ءُُ شون دات کہ آں زرکاراں را گہتریں آسراتی ءُُ مراعات ءَ پیش کنگ ءِ ھاترا دمگی ملکانی سوبمندءِ ماڈلز ءِ سرا رندگیری ءَ کن انت وھدیکہ آوکیں زرکارانی ھاترا زرکاری ءُُ صنعتانی ہڈ دیگ ءِ تہ آسانی پیدا کنگ ءِ ھاترا ھاسیں اقتصادی دمگانی (ایس ای زیز) ءَ را توان،گیس ءُُ شاھدگ وڈیں آسراتی ءِ پھجارگ ءِ کار ھم ترند کنگ بیت۔ آہاں اے پنت ءُُ شون سئے شمبے ءَ مزن تکی دیوان ءِ سروکی کنگ انت ہمہ کہ صنعتی تکانی تہ زرکاری ءَ را راغب کنگ ءِ ھاترا برجم دارگ بوتگ۔دیوان ءِ تہ بنجاہی وزیر اقتصادی امور محمد حماد اظہر، وزیر منصوبہ بندی مخدوم خسرو بختیار، وزیر توانائی عمر ایوب خان، مشیر بیئپار عبدالرزاق داؤد، مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان، چیئرمین سرمایہ کاری بورڈ سیّد زبیر حیدر گیلانی، سیکرٹری خزانہ، سیکرٹری خارجہ امور، سیکرٹری منصوبہ بندی، ممبر پالیسی ایف بی آر ءُُ ٹوھیں واکدارءَ بھرزوراتگ۔دیوان ءَ را سرپد کنگ بوتگ کہ پاکستان ءِ تہ ھاسیں اقتصادی زونز سرمایہ کاری ھاسکر چینی کمپنی ءَ را وتی نیمگا آرگ ءِ باز صلاحیت ءَ ایر کنگ انت۔اے ھم حال دیگ بوتگ کہ چین ءَ لہتیں پاکستانی چیزانی تہ جہلانکیں دلچسپی پدر کتگ۔ایشی ءَ چہ دوئیں ملکانی میان ءَ بیئپاری توازن گہتر بیت۔دیوان ءَ را سرپد کنگ بوتگ کہ سی پیک حکومت ءِ اولی دلگوشی انت ءُ زرکاری ءِ نیمگا راغب کنگ ءِ ھاترا کوکا ءِ دیمروئی،ھاٹیگ ءُُ مواصلات ءِ تک ءِ ھاسیں ارزشت ءِ حامل انت۔اے ھم گوشگ بوتگ کہ چینی ءُُ روسی کمپنی ءَ پاکستان سٹیل ملز ءِ بحالی ءِ تہ دلچسپی پدر کتگ ءُُ پیشکش آنی چارءُُ تپاس گرگ انت۔اے موہ ءِ سرا مزن وزیر عمران خان ءَ گوشت کہ پاکستان نوں اقتصادی نمو ءِ نیمگا روگ انت ءُُ زرکاری ءَ را رغب کنگ ءِ ھاترا حکومت بیئپارءِ تہ آسراتی ءَ گوں ھوار متوقع زرکاراں را مراعات ءَ ھم پھجارایت۔